Selelekela sa Karolo ya 1
Bibele e qala ka ho re phetela pale ya dintho tse bopilweng. E re bolella ka dintho tse ntle tseo Jehova a di entseng lehodimong le lefatsheng. Haeba o motswadi, thusa ngwana wa hao hore a bone dintho tse ngata tse hlollang tse bopilweng. Mo bolelle hore Modimo o entse motho e le ya phahametseng diphoofolo. Motho yena o tseba ho bua, ho nahana, ho qapa dintho, ho bina le ho rapela. Thusa ngwana wa hao hore a tsebe hore Jehova o matla, o bohlale le hore o rata dintho tsohle tseo a di bopileng, ho akarelletsa e mong le e mong wa rona.
KAROLONG ENA
THUTO YA 1
Modimo o Entse Lehodimo le Lefatshe
Bibele e re Modimo o bopile lehodimo le lefatshe. Empa na o a tseba hore na Modimo o bopile lengeloi lefe pele a etsa batho le dintho tse ding kaofela?
THUTO YA 2
Modimo o Bopile Monna wa Pele le Mosadi wa Pele
Modimo o bopile monna wa pele le mosadi wa pele yaba o ba beha serapeng sa Edene. O ne a batla hore ba qale lelapa le ho etsa hore lefatshe lohle e be paradeise.
