Selelekela sa Karolo ya 12
Jesu o ne a ruta batho ka Mmuso wa Modimo. A boela a ba ruta hore ba rapelle hore lebitso la Modimo le halaletswe, Mmuso wa hae o tle le hore thato ya hae e etsahale lefatsheng. Haeba o motswadi, hlalosetsa ngwana seo thapelo ena e se bolelang ho rona. Jesu ha a ka a dumella hore Satane a mo sitise ho tshepahala. Jesu o ile a qala ka ho kgetha baapostola ba hae hore e be marena Mmusong wa Modimo. Hlokomela ka moo Jesu a neng a tjhesehela borapedi ba nnete ka teng. Jesu o ne a fodisa batho ba kulang, a fepa ba lapileng a bile a tsosa bafu hobane a rata ho thusa batho. Dintho tsena di ne di bontsha seo Mmuso wa Modimo o tla se etsetsa batho nakong e tlang.
KAROLONG ENA
THUTO YA 75
Diabolose o Leka Jesu
Diabolose o ile a leka Jesu ka makgetlo a mararo. O ile a mo leka jwang? Jesu o ile a etsang?
THUTO YA 76
Jesu o Hlwekisa Tempele
Ke hobaneng ha Jesu a leleka diphoofolo ka tempeleng le ho phethola ditafole tsa batho ba rekisang?
THUTO YA 77
Jesu o Bua le Mosadi Sedibeng
Mosadi wa Mosamaria o maketse hore ebe Jesu o bua le yena. Hobaneng? Keng eo Jesu a ileng a mo bolella yona eo a neng a eso e bolelle mang kapa mang?
THUTO YA 78
Jesu o Ruta ka Mmuso wa Modimo
Jesu o mema balatedi ba bang ba hae hore e be ‘batshwasi ba batho.’ Ha morao, o ruta balatedi ba hae ba 70 ho bolela ditaba tse monate.
THUTO YA 79
Jesu o Etsa Mehlolo e Mengata
Hohle moo Jesu a yang teng, batho ba kulang ba tla ho yena hore a ba thuse mme o a ba fodisa. Ebile o tsosa ngwanana bafung.
THUTO YA 82
Jesu o Ruta Barutuwa ba Hae ho Rapela
Jesu o ile a re barutuwa ba hae ba ‘nne ba kope’ dintho dife?
THUTO YA 84
Jesu o Tsamaya Hodima Metsi
O nahana hore baapostola ba ne ba ikutlwa jwang ha ba bona mohlolo oo?
THUTO YA 86
Jesu o Tsosa Lazaro
Ha Jesu a bona Maria a lla le yena o a lla. Empa ba ile ba boela ba thaba.
