A o soifua Iesu i le lalolagi, na ia faaalia le tele o lona alofa i tagata ma iʻu ai lava i le faataulaga o lona ola mo i latou. (Mataio 20:28; Ioane 15:13) Ua toeitiiti ona ia toe faamaonia lea o lona alofa mo tagata, e ala i le faaaogā o lana pule o le Tupu o le Malo o le Atua e “faaiʻuina [ai] taua i tuluʻiga o le lalolagi.”—Salamo 46:9.

 Ia mātau faamatalaga a le Tusi Paia i gaoioiga o le a faia e Iesu:

•   “E laveaʻi e ia le tagata mativa o loo alaga mo se fesoasoani, atoa foʻi ma lē e faatauvaa ma lē ua leai sona fesoasoani. E tigā alofa o ia i lē ua faatauvaa ma lē ua mativa, e faaola foʻi e ia o ē ua matitiva. E laveaʻiina e ia i latou mai i le pule sauā ma faiga sauā.”—Salamo 72:12-14.

 E faapefea ona faaalia lo tatou talisapaia o mea ua faia ma mea o le a faia e Iesu mo i tatou? Na fetalai atu Iesu i ona soo i le Luka 22:19 ina ia latou faamanatu lona maliu. O le māfuaaga lenā e potopoto faatasi ai Molimau a Ieova i le aso e faamanatu ai lona maliu i tausaga taʻitasi. O lea, e matou te valaaulia ma le faaaloalo oe ina ia tatou auai faatasi i le Faamanatuga o le maliu o Iesu i le Aso Sa, Mati 24, 2024.

Saʻili se Faamanatuga