Salamo 46:1-11
I le faatonu o le ʻaufaimusika. O le fanauga a Koru.+ Na usuina i le nota o le Alemota.* O le pese.
46 O le Atua o lo tatou sulufa‘iga ma lo tatou malosi,+O ia o le fesoasoani sili i taimi o puapuaga.+
2 O le mea lea e tatou te lē fefefe ai, e ui ina suia le lalolagi,E ui ina maluelue mauga ma solofa ifo i totonu o le sami,+
3 E ui ina sousou ma piapiā ona suāsami,+E ui foʻi ina lūlūina mauga i lona vāvāō. (Selā)
4 E iai ma se vaitafe, o ona magāvai e faafiafia ai le aai o le Atua,+O le faleʻie paia matagofie o Lē e Silisili Ese.
5 O loo iai le Atua i totonu o le aai;+ e lē mafai ona faato‘ilaloina.
E fesoasoani i ai le Atua i le malama aʻe o le taeao.+
6 Ua vāvāō nuu ma ua faato‘ilaloina malo;Ua tulei mai lona siʻufofoga, ma ua liusuāvai ai le lalolagi.+
7 Ua faatasi Ieova o ʻau ma i tatou;+O le Atua o Iakopo, o lo tatou sulufa‘iga malupuipuia.* (Selā)
8 Inā ō mai ia e vaavaai i galuega a Ieova,Ua faia e ia o mea ofoofogia i le lalolagi.
9 Ua ia faaiʻuina taua i tuluʻiga o le lalolagi.+
Ua ia gauia foʻi le ʻaufana ma nutililii le tao;Ua ia susunuina i le afi o taavale toso o le taua.*
10 “Inā gauaʻi mai ia ma ia iloa o aʻu o le Atua.
E faaeaina aʻu i nuu;+E faaeaina foʻi aʻu i le lalolagi.”+
11 Ua faatasi Ieova o ʻau ma i tatou;+O le Atua o Iakopo, o le sulufa‘iga malupuipuia mo i tatou.+ (Selā)
Faamatalaga Pito i Lalo
^ Tagaʻi i le Uiga o Upu.
^ Po o le “ʻolo malupuipuia.”
^ Pe atonu “o talita.”
