Qullaawu Maxaafi, Maganu Daawuloosi kalaqinokkita kulanno. Hatteentenni, Maganu kalaqino sokkaasinchi Daawuloosi ikkino. Qullaawu Maxaafi Maganu daafira kulanni togo yaanno: “Loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.” (Marro 32:3-5) Konni qummeeshshinni huwata dandiineemmonte gede, Sheexaanu Daawuloosi alba guutahonna keeraancho Maganu sokkaasinchooti.

 Yesuusi Yohaannisi 8:44 (NW) aana coyiˈranni, Daawuloosi “halaalu giddo kaajje diuurrino” yiino; hatto yaasi, Sheexaanu alba halaalu giddo noohanna xeˈne noosikkiha ikkinota leellishshanno.

 Ikkollana, hedate dandoo noonsari Yihowa kalaqo baalanti danchanna busha doodhate qoosso afidhino daafira, Sheexaanehono tini qoosso noosi. Isi Magano hettisa doodhino; qoleno umi labbaahanna meyata isi wido ikkitanno gede assino. Konni garinni, umisinni Sheexaane ikkino; hatto yaa “Hettisamaancho” yaate.—Kalaqama 3:1-5; Yohaannisi Ajuuja 12:9.