SIKAIMOS 17

Che fialo si o Jesus?

THO

Kana mai zhanas pa so phendias ai so kerdias o Jesus kana sas pe Phuv, sikiuas pal lashe prame kai si ande leste. Gado azhutil amen te pashuvas leste ai ka lesko Dat, o Jehova. Save si uni andal lashe prame kai si ande leste? Ai sar shai avas sar o Jesus?

1. Ande soste mialpe o Jesus pe pesko Dat?

O Jesus sas ando cheri pe but millonuria borsh, lias sama ai sikilo but katar pesko Dat, kai si pherdo kamlimos. Pala godia gindil, aliarel ai kerel sar pesko Dat (chito Juan 5:19, NWT). Sar o Jesus sikavel ke vo mialpe but pe pesko Dat, phendias: “kodo kai dikhlia man dikhlia vi le Dades” (Iovano 14:9). Pala godia, te prinzharesa mai ka o Jesus si te prinzhares mai ka o Jehova. Kana chitosa pa e mila kai sikadias o Jesus le manushenge, si te sikavel tu so aliarel o Jehova pala tute.

2. Sar sikadias o Jesus ke kamel peske Dades?

O Jesus phendias ke kerdias so godi tradias leske o Dat te zhanel e lumia ke kamelas les (Iovano 14:31). Kana sas pe Phuv, o Jesus sikadias o baro kamlimos kai aliarel karing pesko Dat ke pakiaias lesko mui vi andel vriemi phare. Ai na numa godo, ka o Jesus plachalas les te del duma pa pesko Dat ai te azhutil le kolavren te aven amiguria le Devleske (Iovano 14:23).

3. Sar sikadias o Jesus ke kamel le manushen?

E Biblia phenel ke o Jesus kamel zurales le manushen (Proverbios 8:31). Sikadias kako baro kamlimos kana zuriardias ai azhutisardias le manushen ai chi azhukerdias khanchi lendar. Le milagruria kai kerdias sikade leski mila, na numa leski zor (Marko 1:40-42). Sas dragostoso ai lasho savorhentsa, leske suaturia denas pacha ai so te azhukeren kal manush kai sas len iek lasho ilo. Pala o kamlimos kai aliarelas karing sa le manush o Jesus alosardias te avel po kino ai te merel. Numa vo kamel mai zurales godolen kai len opre so vo sikadias (chito Juan 15:13, 14, NWT).

TE MAI SIKIOS

Aida prinzharas mai mishto ke fialo si o Jesus, ai si te dikhas sar shai avas sar leste te sikavas kamlimos ai te das amendar ilesa.

4. O Jesus kamel peske Dades

Pala so kerdias ai phendias o Jesus, shai sikiuas sar te sikavas amaro kamlimos le Devleske. Chiton Lucas 6:12 [NWT] ai vi Juan 15:10 ai 17:26 [NWT]. Polme te chiton suako texto, den duma pa:

Kana dikhas so kerdias o Jesus, sar shai sikavas amaro kamlimos ka o Jehova?

O Jesus kamelas peske Dades kai si ando cheri ai butivar rhugilaspe leste.

5. O Jesus si leske pala godola kai trobun len

Le Jesusos sas leske mai but pala le manush de kin pala peste. Vi kana trobulas te hodinil, delas peski vriama ai peski zor te azhutil le kolavren. Chiton Marcos 6:30-44 [NWT] ai den duma pa:

Pa so chitosardiam, sar sikadias o Jesus ke sas leske pala le manush? (Dikhen le verseturia 31, 34, 41 ai 42).
Sostar azhutisardias o Jesus godolen manushen? (Dikhen o verseto 34).
Sar o Jesus sikavel ke fialo si lesko Dat, so sikavel tu sa kako pa o Jehova?
Sar kerdias o Jesus, sar shai sikavas ke si amenge pala le manush?

6. O Jesus del pestar ilesa

O Jesus delas pestar ilesa makar nas les but prame, ai azhutil amen te shai avas manush gadia. Chiton Hechos 20:35 [NWT] ai den duma pa:

Pa so phendias o Jesus, so kerel amen te avas veselime?

Dikhen o VIDEO ai den duma pa:

VIDEO: “Si mai veselia te des de sar te avel tut dino” (kotororho) (4:00)

Te na aven amen but prame, sar shai das amendar ilesa?

Zhanesas kako?

E Biblia sikavel ke trobus te rhugis amen ka o Jehova ando anau le Jesusosko (chiton Juan 16:23, 24, NWT). Gadia sikavas ke mol amenge but so kerdias o Jesus te azhutil amen te avas amiguria katar o Jehova.

UNI MANUSH PHENEN: “Sam po kino ke o Del zumavel amen”.

Sar o Jesus sikavel ke fialo si lesko Dat, sar sikadias ke o Jehova chi kerel te avas po kino?

SO DIKHLIAM

O Jesus kamel ka o Jehova ai vi le manushen. Sar sikiliam o Jesus si sar pesko Dat, sode mai prinzharesa ka o Jesus, mai si te prinzhares ka o Jehova.