SIKAIMOS 28
Sikau ke mol tuke but so kerde o Jehova ai o Jesus pala tute
Sar aliares tu kana iek amigo del tu vareso kai plachal tu defial zurales? Shai avela aliares tu veselime pala godo ai kames te sikaves ke tuke mol but. O Jehova ai o Jesus dine amen e prama mai bari kai varekon shai del: o skepimos anda o bezej ai anda e martia. Aida dikhas sar te naisis so dine amen.
1. Sar shai sikavas ke mol but amenge so kerde o Del ai o Kristo pala amende?
E Biblia shinavel ke kon “sikavela pakiamos ande leste”, ando Jesus, shai trail pe sa e vriama ai chi mai merela (Juan 3:16, NWT). Sar sikavas pakiamos ando Jesus? Pala so alosaras ai so sikavas ande amaro traio ai na numa kana phenas ke pakias amen ande leste (Iakov 2:17). Pala le prame kai keras ai so phenas sikavas amaro pakiamos ai gadia mai pashuvas ka o Jesus ai ka lesko Dat, o Jehova (chito Juan 14:21, NWT).
2. Kana shai sikavas naisimos pala so kerde o Jehova ai o Jesus?
E riat mai anglal te merel, o Jesus phendias ka peske disipluria aver prama kai shai keren te sikaven naisimos pala o sakrifisio kai sas te kerel. Vo thodias iek gies kai e Biblia akharel o Jamos le Gazdasko, vi prinzharas les sar o Gies kai seras e martia le Kristoski (1 Corintios 11:20, NWT). O Jesus thodias godo gies te seren leske apostluria, ai le kristianuria chache kai sas te aven, ke vo dias pesko traio pala sa le manush. Pala godia o Jesus tradias: “Keren kadia te seren tume pa mande” (Luk 22:19). Kana zhas te seres e martia le Kristoski, sikaves ke mol tuke but o baro kamlimos kai si len o Jehova ai o Jesus pala tute.
TE MAI SIKIOS
Aida mai dikhas sar te sikavas naisimos pala o baro kamlimos kai aliaren o Jehova ai o Jesus, ai sostar si iek bari prama o Gies kai seras e martia le Kristoski.
3. Sar te sikavas amaro naisimos
De tu gogi ke tasos ando pai ai varekon azhutil tu. Sas te bistres so kerdias godo manush pala tute? Vai sas te rodes sar te naisis leske?
O Jehova skepisardias amen ai pala godia shai trais pe sa e vriama ai te na meras. Chiton 1 Juan 4:8-10 [NWT] ai den duma pa:
-
Sostar si defial baro amenge o sakrifisio le Jesusosko?
-
Sar aliares tu kana des tu gogi so kerde o Jehova ai lesko Shau pala tute?
Sar shai sikavas ke mol but amenge so kerde o Jehova ai o Jesus pala amende? Chiton 2 Corintios 5:15 [NWT] ai vi 1 Juan 4:11 ai 5:3 [NWT]. Polme te chiton suako verseto den duma pa:
-
Sar shai sikavas amaro naisimos?
4. Las amen pala o Jesus
Aver prama kai shai keras te sikavas amaro naisimos si, te las amen pala o Jesus. Chiton 1 Pedro 2:21 [NWT] ai den duma pa:
-
Sar shai sikaves ke les tu pala o Jesus?
O Jesus sas leske pala o suato le Devlesko, ningerelas le lashe viesti ai azhutilas le manushen.
5. Seras o Gies kai mulo o Kristo
Te zhanes sar sas e pervo data kai sas o Jamos le Gazdasko, chiton Lucas 22:14, 19, 20 [NWT]. Polme den duma pa:
-
So sas ando Jamos le Gazdasko?
-
So si o manrho ai e mol? (Dikhen le verseturia 19 ai 20).
O Jesus kamelas te seren leske disipluria o Jamos le Gazdasko iek data ando borsh, ando gies kai vo mulo. Pala godo, le marturia le Jehovaske chidas amen suako borsh te seras e martia le Kristoski, ai so keras godo gies si so vo tradias. Te zhanes sar chidas amen kako baro gies, dikhen o VIDEO. Polme den duma pa:
-
So keras kana seras e martia le Jesusoski?
O manrho si sar o stato le Jesusosko kai vo dias sar iek sakrifisio pala amende. Ai e mol si sar lesko rat.
UNI MANUSH PHENEN: “Te avas skepime numa trobus te pakias ando Jesus”.
-
Sar azhutin tu Juan 3:16 [NWT] ai Santiago 2:17 [NWT] te sikaves save prame mai trobus te keras?
SO DIKHLIAM
Naisis so kerdias o Jesus pala amende kana sikavas ke si amen pakiamos ande leste ai kana zhas te seras o gies kai mulo.
So sas te mothos?
-
Sar sikavas pakiamos ando Jesus?
-
Kames te sikaves ke mol tuke but so kerde o Jehova ai o Jesus pala tute? Sar shai sikaves les?
-
Sostar si bari prama te zhas kana serelpe e martia le Kristoski?
SHAI DIKHES VARESO MAI
Ashun so e martia le Kristoski ningerel amen te keras.
Sikio mai pa o pakiamos ai sar te sikavas les.
“Trobus te sikavas pakiamos ande so shinavel o Jehova” (La Atalaya, octubre, 2016)
O traio iekha zhuvliako parhudilo kana aliardias so si o sakrifisio le Jesusosko. Chito pa late ando “Aliarau man vuzhi, zhuvindi ai ande pacha”.
“E Biblia parhudias lengo traio” (La Atalaya, 1 anda o agosto, 2011)
Dikhta sostar tsirha zhene jan anda o manrho ai pen anda e mol kana serelpe e martia le Jesusoski.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
