I Biblija ko početko vačeri sar o Jehova čerdža o buča so dikhaja, sar soj tane o nebo hem i phuv. Ako isi tut čhave pomožin ljendže te dikhen kobor šuže hem razna buča čerdža o Devel. Vačer ljendže so o Devel manglja o manuša te razlikujinen pe ando životinje hem odoljese amen stvorindža adžahar te šaj te vačera, te razmislina, te čera neve buča, te džilaba hem te molina amen. Sikaven ljen soj tano o Jehova but moćno hem mudro hem so ov mangela sa so čerdža, a odova značini hem svakone manuše posebno.