Isaiah 62:1-12
-
Niu nem blo Zion (1-12)
62 From mi tingim Zion bae mi no stap kwaet,+And from mi tingim Jerusalem, bae mi mas talem samtingGo kasem taem raeteous fasin blo hem shaen olsem braet laet+And taem for hem sev, hem laet olsem torch.*+
2 “O woman, olketa nation bae lukim raeteous wei blo iu,+And evri king bae lukim glory blo iu.+
And olketa bae kolem iu lo wanfala niu nem,+Nem wea Jehovah seleva nao hem givim.
3 Iu bae kamap wanfala naes kraon lo hand blo Jehovah,Wanfala turban* blo king lo hand blo God blo iu.
4 Bae olketa no kolem iu moa lo woman wea hasband lusim hem,+And land blo iu bae olketa no kolem moa lo land wea stap emti.+
Bat bae olketa kolem iu, Woman wea Mi Hapi lo Hem,+And land blo iu bae olketa kolem lo, Marit Woman.
Bikos Jehovah bae hem hapi lo iu,And land blo iu bae olsem woman wea marit finis.
5 Lo sem wei wea wanfala young man maritim wanfala virgin,Olketa son blo iu bae maritim iu.
Olsem wanfala groom wea hapi lo bride blo hem,God blo iu bae hapi lo iu.+
6 O Jerusalem, mi putim finis olketa watchman antap lo olketa wall blo iu.
Lo evriday and lo evri naet, olketa shud no stay kwaet.
Iufala wea story abaotem Jehovah,No stop for duim datwan,
7 And no letem hem rest go kasem taem hem mekem Jerusalem kamap strong,Ia, go kasem taem hem mekem evriwan lo earth for praisem Jerusalem.”+
8 Jehovah mekem wanfala promis* witim raet hand blo hem, witim strong arm blo hem, and sei:
“Mi bae no givim moa grain olsem kaikai for olketa enemy blo iu,And olketa foreigner tu bae no drinkim niu wine blo iu, wea iu waka hard for hem.+
9 Bat olketa wea hipimap kam grain bae kaikaim and olketa bae praisem Jehovah.
And olketa wea tekem kam wine bae drinkim datwan insaed olketa holy courtyard blo mi.”+
10 Iufala go aot, go aot lo olketa gate.
Kliarem road for olketa pipol.+
Buildim hae, buildim hae datfala main road.
Aotem olketa ston from road hia.+
Standapim wanfala saen* for olketa pipol.+
11 Lukim! Jehovah talemaot lo olketa farawe ples lo earth finis, and sei:
“Iufala talem lo dota blo Zion,‘Lukim! Taem for sevem iu hem kakam nao.+
Lukim! Reward blo hem stap witim hem,And pei wea hem givim stap front lo hem.’”+
12 Pipol bae kolem olketa lo holy pipol, olketa wea Jehovah baem bak,+And olketa bae kolem iu lo, Lukaotem Hem, wanfala Taon wea God No Lusim.+
