Isaiah 55:1-13
55 Iufala kam, iufala evriwan wea thirsty,+ kam lo wata!+
Iufala wea no garem selen, iufala kam, baem and kaikai!
Yes, kam, iufala no needim selen for baem wine and milk,+ hem free nomoa.+
2 Why nao iufala gohed iusim selen for baem samting wea hem no kaikai,*And why nao iufala spendem selen* lo samting wea no mekem iufala satisfae?
Lisin gud kam, and kaikaim gudfala kaikai,+And iufala bae satisfae lo samting wea barava gud.*+
3 Openem ear blo iufala and kam lo mi.+
Lisin, and iufala bae stap laef,And mi bae redi nomoa for mekem wanfala covenant witim iufala wea bae stap for olowe+Wea hem join witim loyal love* wea mi bin showim lo David wea man fit for trustim.*+
4 Lukim! Mi mekem hem for hem wanfala witness+ for olketa nation,Wanfala leader+ and komanda+ for olketa nation.
5 Lukim! Iu bae kolem kam wanfala nation wea iu no savve lo hem,And bikos lo Jehovah, God blo iu,+ datfala Holy Wan blo Israel,Olketa blo nation wea no savve lo iu bae ran kam lo iu,Bikos bae hem givim glory lo iu.+
6 Lukaotem Jehovah taem iufala savve faendem hem yet.+
Singaot go lo hem taem hem stap klosap.+
7 Wicked man mas lusim olketa nogud wei blo hem+And nogud man mas lusim nogud tingting blo hem.
Hem mas kam bak lo Jehovah, wea bae showim mercy lo hem,+Lo God blo iumi, bikos hem bae barava forgivim hem.*+
8 “Bikos olketa tingting blo mi hem no olsem olketa tingting blo iufala,+And olketa wei blo iufala hem no olsem olketa wei blo mi,” hem nao wanem Jehovah talem.
9 “Lo sem wei wea heven hem hae winim earth,So olketa wei blo mi tu hem hae winim olketa wei blo iufalaAnd olketa samting wea mi tingim hem winim olketa samting wea iufala tingim.+
10 Olsem rain and snow wea foldaon kam from skaeAnd no go bak lo skae go kasem taem hem watarem graon, and mekem olketa kaikai grow and garem frut,And givim seed for man plantim and bred* for man kaikaim,
11 So toktok blo mi wea go aot from mouth blo mi bae olsem tu.*+
Hem bae no kam bak nating lo mi,+Bat bae hem barava duim samting wea mi hapi lo hem,*+And bae hem barava happen olsem mi sendem hem for duim.
12 Iufala bae barava hapi taem iufala go aot,+And no eni samting bae happen lo iufala taem iufala kam bak.+
Olketa maunten and olketa hill bae barava hapi and singaot big front lo iufala,+And evri tree lo forest bae klapem hand blo olketa.+
13 Olketa juniper tree nao bae grow, and no olketa smol tree wea garem nila,+And olketa myrtle tree nao bae grow, and no olketa nettle plant wea savve pokem man.
And evri samting hia bae mekem pipol for mekhae lo* Jehovah,+Wea datwan hem wanfala saen wea bae stap for olowe wea no savve finis.”
Olketa footnote
^ Lit., “bred.”
^ Or, “selen wea iufala waka hard for kasem.”
^ Lit., “wea gris naes.”
^ Or, “depend lo hem.”
^ Lukim “Loyal love” lo Dictionary.
^ Or, “willing for forgive.”
^ Or, “kaikai.”
^ Or, “mi laekem.”
^ Or, “bae hem mas happen olsem nao.”
^ Or, “bae mekem pipol savve lo nem blo.”
