Isaiah 12:1-6
12 Lo datfala day iu bae sei:
“O Jehovah, mi thankiu lo iu,Bikos nomata iu kros lo mi,Kros blo iu hem isisi katdaon, and iu comfortim mi.+
2 Lukim! God hem man for sevem mi.+
Mi bae trustim hem and bae no fraet.+
Bikos Jah,* Jehovah nao strong blo mi and paoa blo mi,And hem kamap man for sevem mi.”+
3 Iufala bae hapi tumas for tekem wataFrom olketa springwata wea savve sevem man.+
4 And lo datfala day, iufala bae sei:
“Talem thankiu lo Jehovah, singaot lo nem blo hem,Talemaot lo evri pipol olketa samting wea hem duim!+
Talemaot lo pipol dat nem blo hem barava hae.+
5 Singsing for praisem* Jehovah,+ bikos hem duim olketa nambawan samting.+
Talemaot diswan lo evri ples lo earth.
6 Krae and singaot witim hapi, iufala pipol wea stap* lo Zion,Bikos Holy Wan blo Israel wea stap midolwan lo iufala hem barava hae.”
