Isaiah 4:1-6
4 And lo datfala day, sevenfala woman bae hol taet lo wanfala man,+ and sei lo hem:
“Mifala bae kaikaim bred wea mifala seleva wakemAnd werem kaleko wea mifala seleva soengim.
Bat mifala laekem for olketa kolem mifala lo nem blo iuFor aotem shame wea mifala kasem.”*+
2 Lo datfala day, samting wea Jehovah mekem grow bae hem luk naes and barava gud, and olketa lo Israel wea stap laef bae praod lo olketa naesfala kaikai from datfala land.+
3 Eniwan wea stap yet lo Zion, and wea olketa leavim lo Jerusalem, bae olketa kolem olketa holy, evriwan hia olketa raetem daon nem blo olketa for stap laef lo Jerusalem.+
4 Taem Jehovah iusim paoa blo hem for judgem man and paoa wea olsem fire, for wasimaot dirty* blo olketa dota blo Zion,+ and rinsim aot from hem blood blo olketa man lo Jerusalem wea olketa killim dae,+
5 Jehovah bae kavarem tu full Maunt Zion and olketa ples blo hem for hipap witim cloud and smoke lo daytaem, and fire wea laet braet lo naet taem,+ bikos evri naes samting hia bae garem samting for protectim olsem shelter.
6 And hem bae garem wanfala smol leaf haos for givim shade from hot sun lo daytaem,+ and for olketa stap sef and for hem protectim olketa from big wind and from rain.+
