Isaiah 52:1-15
52 Wekap! Wekap! O Zion!+ Kavarem iuseleva witim strong blo iu,+O Jerusalem, datfala holy taon! Iu werem naes kaleko blo iu,+Bikos eniwan wea no circumcise* and wea no klin bae no kam moa lo iu.+
2 O Jerusalem, aotem dust from iu, getap and faendem ples for sidaon.
O dota blo Zion wea prisoner, aotem datfala chain raonem nek blo iu.+
3 Bikos diswan nao wanem Jehovah hem talem:
“Olketa no peim eni samting for tekem iufala,+And olketa bae no iusim selen for baem bak iufala.”+
4 Bikos diswan nao wanem Sovereign Lord Jehovah hem talem:
“Firstaem, pipol blo mi go lo Egypt and stap lo there olsem olketa foreigner.+
Then olketa blo Assyria spoelem olketa nating nomoa.”
5 Dastawe Jehovah hem sei: “So, wat nao mi shud duim lo hia?
Bikos olketa tekem nating nomoa pipol blo mi.
Pipol wea rulim olketa singaot from olketa hapi,”+ Jehovah hem sei,“And evritaem, and evriday, olketa no showim respect lo nem blo mi.+
6 From datwan, pipol blo mi bae savve lo nem blo mi.+
From datwan, lo datfala day bae olketa savve dat mi nao Man wea talem diswan.
Lukim, mi nao ia!”
7 Man wea tekem kam gud nius antap lo olketa maunten, tufala foot blo hem luk naes tumas,+Man wea talemaot peace,+Man wea tekem kam gud nius abaotem samting wea barava gud,Man wea talemaot dat pipol bae sev,Man wea sei lo Zion: “God blo iu kamap King finis!”+
8 Lisin! Olketa watchman blo iu olketa tok big.
Evriwan singaot tugeta from olketa hapi,Bikos olketa bae lukim klia taem Jehovah tekem kam bak evriwan lo Zion.
9 Iufala evri samting wea distroe finis lo Jerusalem, iufala singaot tugeta from iufala hapi,+Bikos Jehovah bin comfortim pipol blo hem.+ Hem baem bak Jerusalem finis.+
10 Jehovah hem showim arm blo hem wea holy front lo evri nation.+
Evri farawe ples lo earth bae lukim olketa samting wea God blo iumi duim for sevem pipol.*+
11 Go from hem, go from hem, go aot from datfala ples,+ no tasim eniting wea no klin,+Go aot from midolwan lo hem,+ keepim iufala seleva klin,Iufala wea karem olketa samting lo haos blo Jehovah.+
12 Iufala bae no panic taem iufala go aot,And iufala bae no ranawe tu,Bikos Jehovah bae go firstaem lo iufala,+And God blo Israel bae gaedem iufala kam bihaen.+
13 Lukim! Servant blo mi+ bae duim samting wea showimaot hem wise.
Olketa bae putim hem ap,Olketa bae putim hem hae and barava mekhae lo hem.+
14 Lo sem wei wea staka pipol wea lukluk strong lo hem olketa sapraesBikos olketa spoelem lukluk blo hem winim eni nara manAnd olketa spoelem wei wea hem luk naes winim eniwan lo earth.
15 So, hem bae mekem staka nation for seke.+
Olketa king bae satem mouth blo olketa* front lo hem,+Bikos bae olketa lukim samting wea no eniwan talem lo olketa biforAnd ting raonem samting wea olketa no herem bifor.+
Olketa footnote
^ Lukim “Circumcise” lo Dictionary.
^ Or, “for win.”
^ Or, “bae no talem eni samting.”
