EPISODIO 3
«Mʉ̃ta iyia»
(Duración 39:40)
Jesúsba jaradiasi Nicodemoʼa, wẽrã Samariadebemaʼa akʉza ẽbẽrarã Nazaretdebemara mamina ʉ̃kʉrʉba ũrĩkĩrã ẽ basi. Naʉ̃ episodiode naʉ̃rata ũdudayi:
Jesúsba Nicodemoʼa jara ũrĩbisi todai ʉ̃rʉ baniane akʉza jaurede (Juan 3:1-13).
Yumakẽrã Warrara jirabʉdaibara, damata desiertode jirabʉda kĩrãkʼa (Juan 3:14, 15).
Daizezebara yi Warra ababʉta zokʼa ẽ basi ẽberãra kʼawua oita awuarabʉrʉ ẽbẽrarã ẽdrʉbita (Juan 3:16-21).
Juanba Jesús ʉ̃rʉ jaradiasi ẽbẽrarã iyi cárcel eda bʉedai nãã (Juan 3:22-30).
Yi Warra ʉ̃tʉba zeda ʉ̃rʉ ĩjãbʉra ewari jõmaʉ̃ne bayi (Juan 3:31-36).
Juanʼra cárcelde bʉesida (Marcos 6:17-20; Mateo 4:12; 14:3-5; Lucas 3:19, 20).
Jesúsʼra mapaebasi ode wãne maʉ̃ne jʉ̃ẽsi Jacob pozoidʉ Sicarde, Samaria drʉade (Juan 4:1-6).
Jesúsʼra bedʼeasi wẽrã Samariadebemaʉ̃me (Juan 4:7-15).
Jesúsba jaradiasi wẽrã Samariadebemaʼa sãwũã Jeowaʼa yiwidʼibarata (Juan 4:16-24).
Jesúsba jarasi maʉ̃ wẽrãʼa iyira Mesíasta (Juan 4:25, 26).
Wẽrã Samariadebemaba wuabemara jaradiasi iya kʼawuadata (Juan 4:27-30).
Jesúsba jarasi Jeowaba zokʼabʉ oita yiko kĩrãkʼabʉta; akʉza jarasi ne u jʉrepedayawabʉ kĩrãkʼa bʉta ẽbẽrarã Jeowa ʉ̃rʉ kʼawuakĩrãpanʉta (Juan 4:31-38).
Samaritanora mejãchaʉba ĩjãsida Jesúsʼra ẽdrʉbibarita (Juan 4:39-42).
Jesúsʼra Galileade nejaradia jʉ̃drʉsi (Juan 4:43-45; Marcos 1:14, 15; Mateo 4:17; Lucas 4:14, 15).
Jesúsba bebisi nokʼoita trajabʉ warrata Caná Galileade (Juan 4:46-54).
Jesús bedʼeara ũrĩkĩrãde ẽ basi Nazaret drʉadera (Lucas 4:16-30).
Jesúsʼra wãsi Capernaúm drʉaeda (Mateo 4:13-16).
Jesús kʼarebadeba bedata mejãcha jidasida; Jesúsba jʉrʉsi iyi kʼaidubemara bʼairaita (Lucas 5:1-11; Mateo 4:18-22; Marcos 1:16-20).
