Psalme 39:1-13
Ditaelo tšeo di yago go mohlahli. Koša ya Dafida. Diriša mokgwa wa Jeduthune.*+
39 Ke itše: “Ke tla ba šediGore ke se dire sebe ka dilo tšeo ke di bolelago.+
Ge motho le ge e le ofe yo mobe a sa le pele ga ka,Ke tla thiba molomo wa ka.”+
2 Ke be ke ikhomoletše ebile go se na seo nka se bolelago,+Ke be ke ikhomoletše gaešita le dilo tše dibotse ke sa di bolele,Eupša ke be ke ekwa bohloko kudu.
3 Pelo ya ka e be e mphiša.
Ge ke be ke fegelwa ke be ke fiša go swana le mollo.
Ka gona ka re:
4 “Hle Jehofa, nthuše go tseba gore ke tlo feleletša kae,Gomme o mpotše gore ke tlo phela matšatši a makae,+Gore ke tsebe gore bophelo bja ka ke bjo bokopana go fihla kae.
5 Ruri o dirile gore matšatši a ka e be a sego kae feela,+Bophelo bja ka ke bjo bokopana kudu pele ga gago.+
Motho yo mongwe le yo mongwe yo a iponago a na le maatla, go wena o no swana le mohemo wo o sa rego selo.+ (Selah)
6 Ka nnete motho o sepela go swana le moriti.
O šoma ka thata eupša o šomela lefeela.
O kgoboketša mahumo eupša ga a tsebe gore a tlo jewa ke mang.+
7 Ka gona, ke tla re ke holofetše eng wena Jehofa?
Ke holofetše wena feela.
8 Nthuše gore ke tšwe dibeng tša ka ka moka.+
O se dumelele lešilo le nnyatša.
9 Ke ile ka dula ke ikhomoletše,Ke palelwa ke go bula molomo wa ka,+Ka baka la seo o se dirilego.+
10 O se sa nkotla.*
Ke fedile maatla ka gobane o a nkotla.
11 O otla motho ka gobane a na le molato,+O senya dilo tšeo a di ratago bjalo ka ge eka di jewa ke mohlwa.
Ka nnete motho yo mongwe le yo mongwe o swana le mohemo wo o sa rego selo.+ (Selah)
12 Ekwa thapelo ya ka, hle Jehofa.Ntheetše ge ke llela gore o nthuše.+
O se ke wa dira eka ga o mpone ge ke go llela.
Ka gobane ke moeng go wena,+Ke modudi wa nakwana go swana le borakgolokhukhu ba ka.+
13 O se ke wa ntebelela o galefile e le gore ke tle ke thabe gapePele ga ge nka hwa.”
Mengwalo ya Tlase
^ Bona Tlhaloso ya Mantšu.
^ Phetolelo ya lentšu ka lentšu e re, “Tloša kotlo ya gago go nna.”
