Eya go dikagare

Eya go menyu wa bobedi

Dihlatse tša Jehofa

Sepedi

Ke ka Baka la Eng Dihlatse tša Jehofa di Fetošitše tše Dingwe tša Ditumelo tša Tšona?

Ke ka Baka la Eng Dihlatse tša Jehofa di Fetošitše tše Dingwe tša Ditumelo tša Tšona?

Ka mehla ditumelo tša rena di theilwe Beibeleng. Ka gona, re ile ra fetoša ditumelo tša rena ge kwešišo ya rena ya Mangwalo e dutše e gola. *

Diphetogo tše bjalo di dumelelana le molao wa motheo wa Beibele woo o hlaloswago go Diema 4:18, wo o rego: “Tsela ya baloki e bjalo ka seetša se se phadimago ganyenyane-ganyenyane go fihlela e eba mosegare o mogolo.” Bjalo ka ge letšatši leo le hlabago le hlabela lefase ganyenyane-ganyenyane, le Modimo o nea kwešišo ya therešo ya Mangwalo ganyenyane-ganyenyane ka nako ya gagwe e swanetšego. (1 Petro 1:10-12) Ka ge Beibele e boletše e sa le pele, Modimo o akgofišitše kwešišo ye mo “mehleng ya bofelo.”Daniele 12:4.

Diphetogo tše tšeo di dirilwego kwešišong ya rena ga se tša swanela go re makatša goba go re tshwenya. Barapedi ba Modimo ba bogologolo le bona ba ile ba ba le dikgopolo le ditebelelo tšeo di fošagetšego gomme gwa nyakega gore ba lokiše tsela yeo ba bonago dilo ka yona.

  • Moshe o ile a ikgafela go lokolla setšhaba sa Baisiraele mengwaga e 40 pele ga nako yeo Modimo a bego a e beile.Ditiro 7:23-25, 30, 35.

  • Baapostola ba ile ba palelwa ke go kwešiša boporofeta bjo bo ilego bja bolela e sa le pele ka lehu la Mesia le go tsošwa ga gagwe bahung.Jesaya 53:8-12; Mateo 16:21-23.

  • Ba bangwe ba Bakriste ba lekgolong la pele la mengwaga ba be ba na le dikgopolo tše di fošagetšego mabapi le go tla ga ‘letšatši la Jehofa.’2 Bathesalonika 2:1, 2.

Ka morago Modimo o ile a ba thuša go kwešiša, gomme re rapela gore le rena a tšwele pele a re thuša go kwešiša.Jakobo 1:5.

^ par. 2 Ga re leke go fihla diphetogo tšeo di dirilwego kwešišong ya rena ya Beibele. Ge e le gabotse, re a di ngwala le go di phatlalatša. Ka mohlala, go BOKGOBAPUKU BJA INTHANETENG, thaepa gore: “Go Kaonefatšwa ga Kwešišo ya Ditumelo tša Rena.”

Ithute ka mo go oketšegilego

MOROKAMI—KGATIŠO E ITHUTWAGO

“Anke re Bapišeng Mangwalo”

Ge re bala temana ya Beibele, taba yeo e dikologilego e ka re thuša bjang go kwešiša seo temana yeo e se bolelago?

DIPOTŠIŠO TŠA BEIBELE DI A ARABJA

O Swanetše go Dira’ng Gore o Kwešiše Beibele?

Go sa šetšwe setlogo sa gago, o ka kgona go kwešiša molaetša wa Modimo wo o lego ka Mangwalong a Makgethwa.