Kanye ngomnyaka, aboFakazi bakaJehova neengidi zabantu abamenyiweko ephasini mazombe, bayahlangana bagidinge isiKhumbuzo sokufa kwakaJesu, njengombana abayala. (Lukasi 22:19) Isenzakalwesi senza sibone ukuqakatheka kwesenzo sakaJesu sokunikela ngokuphila kwakhe ngebanga labantu. Sitjengisa nokuthi isihlengo sitjho ukuthini kithi—kokubili namhlanjesi nesikhathini esizako.—Jwanisi 3:16.

 Kunganandaba bona uzokuya esiKhumbuzweni umnyaka lo namkha awa, ungazuza njani emhlatjelweni kaJesu wesihlengo? UJesu wasifundisa izinto ezimbili eziqakathekileko ekufuze sizenze:

1.  1. Funda ngoZimu nangoJesu. Nakathandaza kuYise wezulwini uJesu wathi: “Labo abazokufumana ukuphila okungapheliko kufuze bazi wena, okunguwe wedwa uZimu weqiniso naloyo omthumileko, uJesu Krestu.”—Jwanisi 17:3.

2.  2. Sebenzisa okufundileko. UJesu wasikhuthaza bona sisebenzise esikufundileko. Ngokwesibonelo, waphetha iTjumayelwakhe yeNtabeni ngokubuka nanyana ngubani ‘ozwa amezwami begodu awenze.’ (Lukasi 6:46-48) Ngesinye isikhathi, wathi: “Nje seniyazazi izintwezi kodwana nizokuthaba nanizenzako.”—Jwanisi 13:17.

 Kghani ungakuthabela ukufunda okwengeziweko ngoZimu nangoJesu? Kghani ufuna iindlela ezinqophileko zokuthi ungakusebenzisa njani okufundileko? Nanzi ezinye iindlela ezingakusiza.

 Isifundo seBhayibheli sasimahla sele sisize abantu abanengi bazwisisa iBhayibheli beba sebenzisa abakufundileko.

•   Ngena ekhasini elithi, Ukufunda IBhayibheli Nothile bona ufunde okwengeziweko ngehlelweli.

•   Bukela ividiyo ethi, Siyakwamukela EsiFundweni Sakho SeBhayibheli ubone ukuthi siragwa njani isifundo seBhayibheli naboFakazi bakaJehova.

 AboFakazi bakaJehova bahlangana kabili ngeveke endaweni abalotjhela kiyo uZimu eyaziwa ngokuthi yiWolo lomBuso. Emihlanganweni le, sikhuluma ngeBhayibheli sibone nokuthi elisifundisa khona singakusebenzisa njani emaphilwenethu.

 Woke umuntu uvumelekile bona eze emihlanganweni le; akusi ngeyaboFakazi bakaJehova kwaphela. Ungakghona ukuya emihlanganweni le bunqopha namkha uthungelele ngevidiyo, kuye ngobujamo bendawo.

•   Bukela ividiyo ethi, Kwenzekani EWolweni LomBuso? Ubone ukuthi khuyini ongayilindela emihlanganweni le.

•   Fumana imihlangano yendaweni yangekhenu ngokuthi ungene ekhasini elithi, Imihlangano Yethu Yebandla.

 Iinhloko ezinengi namavidiyo afumaneka ku-inthanethi angakusiza ufunde okwengeziweko ngeemfundiso zakaJesu nokuqakatheka kokufa kwakhe.

 Ngokwesibonelo, funda ukuthi kukghoneka njani bona ukufa komuntu oyedwa kuzuzise iingidi zabantu, ngokuthi ufunde isihloko esithi “UJesu UnguMsindisi—Kanjani?” nesithi “Kubayini UJesu Wahlunguphazwa Bewafa?” namkha bukela ividiyo ethi, Kubayini UJesu Afa?