Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Mokalchanejkauan uelis yolpakiskej

 TLAMACHTIL 4

Ken uelis kuali tiktekitiltiskej tomin

Ken uelis kuali tiktekitiltiskej tomin

“Ijkuak tetlajtlaniaj nochi kuali kisa.” (Proverbios 20:18)

Nochtin tiknekij tomin pampa tikinmakaskej tokalchanejkauan tlen moneki (Proverbios 30:8). Uan okachi pampa tomin techpaleuia (Eclesiastés 7:12). Ualeua yetos oui timotlapouiskej itech tomin, pero nin amo moneki namechtlajyouiltis itech namiktilistli (Efesios 4:32). Moneki titlaneltokas itech monamik, uan san sekan nanmokauaskej ken nankitekitiltiskej tomin.

 1 XIMOTLAPOUIKAN KEN NANKITEKITILTISKEJ TOMIN

BIBLIA KIJTOA: “Tla aka de nomejwah kineki kichijchiwas se torre, ¿amo achto kiyejyekolia kox kajxilis itomi para weletis kitlamis?” (Lucas 14:28). Miak ipati ximotlapouikan ken uelis nankitekitiltiskej tomin (Amós 3:3). Ximotlapouikan tlen moneki nankikoaskej uan kech tomin moneki (Proverbios 31:16). Uan maski nankipiaskej miak tomin nin amo kijtosneki moneki itlaj nankikoaskej. Ximochijchikauakan pampa amo nankiteuikiliskej tomin, moneki nankikoaskej itlaj tla nankipiaj tomin (Proverbios 21:5; 22:7).

TLEN UELIS TIKCHIUAS:

  • Tla ijkuak tlamis metstli ok nankipiaj seki tomin, ximotlapouikan ken uelis nankitekitiltiskej

  • Tla amo mitsajxilia, ximotlapouikan tlen uelis nankichiuaskej pampa amo nankiteuikiliskej. Se neskayotl, uelis nantlakualchiuaskej uan amo nanyaskej kanin kinemakaj tlakuali

 2 XIKITA UAN XIKIJTO TLEN MELAUAK

BIBLIA KIJTOA: “Tiknekih tikisaskeh tichipawakeh itech nin tekitl, iwa amo sanwel ixpa n Toteko Dios, yej noiwa inmixpah nochteh tokniwah” (2 Corintios 8:21). Xikilui monamik kech mitstlaxtlauiaj kanin titekiti uan kech tomin tiktekitiltia.

Nochipa ximotlapouikan achto nankikoaskej itlaj tlen miak ipati (Proverbios 13:10). Tla kuali nanmotlapouiaj tlen nankichiuaskej ika tomin, uelis nankipiaskej yolseuilistli itech monamiktilis. Tomin tlen mitstlaxtlauiaj iaxka mokalchanejkauan uan amo san te moaxka (1 Timoteo 5:8).

TLEN UELIS TIKCHIUAS:

  • Ximotlapouikan uan ximokauakan kech tomin uelis nankitekitiltiskej maski amo otiktlajtlani monamik tla uelis tikoas itlaj

  • Amo san ximotlapouikan itech tomin ijkuak panos se ouijkayotl