Xikita nochi

Pampa tikitas okse menú

Tlen kiualika

ITlaixpantijkauan Jehová

náhuatl del centro

Mokalchanejkauan uelis yolpakiskej

 TLAMACHTIL 3

Ken uelis moyektlalis ouijkayotl

Ken uelis moyektlalis ouijkayotl

“Ximosepantlasojtlakah, porke akin milák tetlasojtla, kimati tetlapojpolwia.” (1 Pedro 4:8)

Nochtin akinmej yikin monamiktiaj kipiaj miak ouijkayotl. Ijkon panoa pampa tlatlamantli mokuayejyekoaj, kimachiliaj uan kitaj nemilistli. Noso ouijkayomej panoaj pampa itlaj tlen amo okichiayaj opanok maski amo itech namiktilistli.

Ualeua amo tiknekij tikitaskej tlen melauak, pero itech Biblia techiluia moneki tikixnamikiskej ouijkayomej (Mateo 5:23, 24). Tla tikchiua tlen kijtoaj principios bíblicos uelis kuali tikinyektlalis ouijkayomej.

 1 XIMOTLAPOUIKAN ITECH OUIJKAYOTL

BIBLIA KIJTOA: “Onka [. . .] kauitl pampa se tlajtos” (Eclesiastés 3:1, 7). Xikxelokan kauitl pampa nanmotlapouiskej itech ouijkayotl tlen nankipiaj, xikilui monamik ma mitsilui tlen kitekipachoa uan tlen mokuayejyekoa. Amo xikajkayaua (Efesios 4:25). Maski melauak tikualantos amo xiknanankili. Tla kuali tiknankilia non uelis kichiuas amo okachi ximokualanikan (Proverbios 15:4; 26:20).

Uan tla amo timokuayejyekoa ken monamik, amo xikualani, okachi kuali xiktlasojtla uan xiktlakaita (Colosenses 4:6). Ximochijchikauakan pampa san niman nankiyektlaliskej ouijkayotl uan nochipa ximotlapouikan (Efesios 4:26).

TLEN UELIS TIKCHIUAS:

  • Ximokauakan keman nanmotlapouiskej itech ouijkayotl

  • Ijkuak monamik mitsiluijtos itlaj, xikaua ma tlajto. Te satepan titlajtos

 2 XIKAKI UAN XIKAJSIKAMATI

BIBLIA KIJTOA: “Ximotlasojtlakah non nochteh kemi nonmiknimeh, iwa okachi ximosepantlasojtlakah nomejwah akimeh non kineltokah Cristo” (Romanos 12:10). Miak ipati kuali xitlakaki uan xikajsikamati tlen monamik mitsiluia, “ximoteiknomatikah iwa ximotlasojtlakah [...]. Iwa xiyetokah nonyolyamankeh” (1 Pedro 3:8; Santiago 1:19). Amo san ximochiua tikaki. Nochipa ximochijchikaua pampa tikauas nochi uan kuali xikaki monamik, noso xikilui tla satepan uelis nanmotlapouiskej. Tla tikita monamik ken ikaj akin uelis mitspaleuis, uan amo ken ikaj akin mitskokolia, amo san niman tikualanis (Eclesiastés 7:9).

TLEN UELIS TIKCHIUAS:

  • Xikaki monamik maski amo mitspaktis tlen mitsiluis

  • Xikajsikamati tlen kineki mitsiluis. Xikita ken mitsiluia uan ken moita ixko

3 AMO XIMOSOTLAUAKAN

BIBLIA KIJTOA: “Titekitiskej chikauak tlapaleuia, pero san titlajtoskej amo itlaj techmaka” (Proverbios 14:23). Amo san moneki tikyektlaliskej ouijkayotl. Moneki tikchiuaskej ken otimokajkej. Uelis moneki ma timochijchikauakan, pero miak ipati ijkon ma tikchiuakan (Proverbios 10:4). Tla san sekan nanmochijchikauaj, nankiseliskej miakej tlateochiualismej (Eclesiastés 4:9).

TLEN UELIS TIKCHIUAS:

  • Ximokuayejyekokan tlen moneki nankichiuaskej pampa nankiyektlaliskej ouijkayotl

  • Seki tonalmej satepan xikitakan kox kuali nankichijtokej