GĦIX BĦALA KRISTJAN
Kemm hi b’saħħitha l-fidi tiegħek fil-wegħdi taʼ Ġeħova?
Kemm Ġożwè u kemm Salamun ikkonfermaw li lanqas kelma waħda mill-wegħdi taʼ Ġeħova ma naqset. (Ġoż 23:14; 1Sl 8:56) Il-konferma taʼ dawn iż-żewġ xhieda taʼ min joqgħod fuqhom tkompli ssaħħaħ il-bażi soda li fuqha nistgħu nibnu l-fidi tagħna.—2Ko 13:1; Tit 1:2.
Kif twettqu l-wegħdi taʼ Ġeħova fi żmien Ġożwè? Flimkien mal-familja tiegħek, ara l-vidjow “Lanqas kelma waħda ma naqset.” Imbagħad ikkunsidra l-mistoqsijiet li ġejjin: (1) Kif tistaʼ timita l-fidi taʼ Raħab? (Eb 11:31; Ġk 2:24-26) (2) L-eżempju taʼ Għakan kif jagħti prova li meta ma nobdux apposta nġibu diżastru? (3) Minkejja li l-irġiel taʼ Gibegħon kienu gwerriera, għala qarrqu b’Ġożwè u għamlu paċi mal-Iżrael? (4) Il-kelma taʼ Ġeħova kif seħħet meta ħames slaten tal-Amurrin heddew lill-Iżrael? (Ġoż 10:5-14) (5) Ġeħova kif aġixxa għall-benefiċċju tiegħek hekk kif poġġejt is-Saltna t’Alla u s-sewwa tiegħu l-ewwel f’ħajtek?—Mt 6:33.
Hekk kif nirriflettu fuq dak kollu li Ġeħova għamel, qed jagħmel, u se jagħmel, il-fidi tagħna fil-wegħdi tiegħu se tkompli tissaħħaħ.—Rum 8:31, 32.