Marcos 16:1-8
-
Tej tjaw anqʼin Jesús (1-8)
16 Tej tikʼ qʼij sábado, tzaj tlaqʼoʼn María Magdalena, María aju ttxuʼ Santiago junx tukʼil Salomé junjun kʼul kʼokʼj tuʼntzun tok kyqʼoʼn tiʼj t-xmilal Jesús.
2 Te prim toj tnejel qʼij te juntl seman, e pon jatumel taʼ panteón tej otoq jawil qʼij.
3 Ex kyqʼama kyxolx: «¿Alkyetzulo jaku tzʼonin qiʼj tuʼn tikʼ ttolin abʼj tok ttzi panteón?».
4 Pero tej t-xi kykeʼyin ttzi panteón, ya otoq tzikʼ tolin abʼj maske nintz.
5 Tej kyokx toj panteón, ok kykeʼyin jun kuʼxun qʼuqli toj lado derecho ex tok t-xbʼalun saq. Tej tok kykeʼyin jlu, nim e tzaj xobʼ.
6 Pero xi tqʼamaʼn kuʼxun kye: «Miʼn che xobʼe. Ojtzqiʼn wuʼne qa in che jyone tiʼj Jesús te Nazaret aju jaw qʼoʼn twitz tzeʼ. Ma jaw anqʼin* kyxol kyimni ex mi al tzalu. Kykeʼyintze, atz tzalu kubʼ qʼoʼn.
7 Pero jaʼlo kyxiʼye ex kyqʼamanxe jlu kye tdiscípulo ex te Pedro: ‹Lu ma txi nej kywitze toj bʼe in pon toj Galilea, jatumel kʼokel kykeʼyine ik tzeʼn xi tqʼamaʼn kyeye›».
8 E etztzun toj panteón ex e jel oq. In che luʼlun ex nim e jaw labʼin. Ex mintiʼ jun yol xi kyqʼamaʼn kye xjal porke e tzaj xobʼ.*
