Nsumuinu 3:1-35
3 Muananyi, kupu dilongesha dianyi* muoyo,Ne muoyo webe utumikile mêyi anyi,
2 Bualu biobi nebikukumbajile matuku a bungiNe bidimu bia muoyo ne ditalala.+
3 Kulekedi dinanga dia lulamatu ne lulamatu* biumbuka kuudi.+
Ubisuike mu nshingu muebe;Ubifunde pa kabaya ka muoyo webe;+
4 Nunku newanyishibue ne neupete busunguluji buimpeKu mêsu kua Nzambi ne kua muntu.+
5 Eyemena Yehowa+ ne muoyo webe wonso,Kueyemenyi* dijingulula diebe dia malu.+
6 Umumanye mu njila yebe yonso,+Ne yeye nealulamije njila yebe.+
7 Kulu muena meji ku mêsu kuebe nkayebe.+
Tshina Yehowa ne umbuka ku malu mabi.
8 Bualu ebu nebuikale luondapu bua mubidi* webeNe dikoleshibua bua mifuba yebe.
9 Tumbisha Yehowa ne bintu biebe bia mushinga,+Ne mamuma a kumpala* a bintu biebe bionso bia pa madimi;*+
10 Nunku mayeba ebe neuwule tente,+Ne bilaminu* biebe nebiuwule tente ne mvinyo mupiamupia uyila ne panshi.
11 Muananyi, kubengi dinyoka dia Yehowa,+Ne kukinyi mubelu wende,+
12 Bualu Yehowa udi ubela bantu badiye munange,+Anu mutu tatu ubela muanende udi umusankisha.+
13 Wa diakalenga mmuntu udi upeta meji+Ne muntu udi upeta dijingulula dia malu;
14 Kuapeta nkupite kupeta tshiamu tshia arjan,Ne kuikala nawu bu lupetu nkupite kuikala ne or.+
15 Adi ne mushinga wa bungi kupita mabue a koraye;*Kakuena tshintu tshiudi ujinga tshidi mua kufuanyikijibua nawu.
16 Muoyo wa matuku a bungi udi mu tshianza tshiawu tshia balume;Biuma ne butumbi bidi mu tshianza tshiawu tshia bakaji.
17 Njila yawu idi isankisha,Ne tujila tuawu tuonso ntua ditalala.+
18 Adi mutshi wa muoyo kudi badi baakuata,Ne nebabikile badi batungunuka ne kuakuata bikole ne: mba diakalenga.+
19 Yehowa wakashimika buloba ne meji.+
Wakajadika diulu bikole ne dijingulula dia malu.+
20 Bua dimanya diende, mâyi male akapandulukaNe muulu mua matutu muakamatshisha lumuma.+
21 Muananyi, kumbushi mêsu ebe ku bintu ebi.*
Ulame meji adi ambuluisha ne bukokeshi bua kunana lungenyi;
22 Biobi nebikupeshe* muoyoNe nebikale tshilengejilu bua nshingu webe;
23 Pashishe newendele mu njila webe mu bukubi,Ne dikasa diebe kadiakutondoka* nansha.+
24 Paudi ulala, kuakuikala ne buôwa;+Neulale, ne tulu tuebe netuikale tuimpe.+
25 Kuakutshina bualu nansha bumue bua tshimpitshimpi budi butshinyisha+Anyi tshipepele tshikole tshidi tshiluila bantu babi.+
26 Bualu Yehowa neikale tshieyemenu tshiebe;+Nealame dikasa diebe bua kadikuatshibu.+
27 Kubengi bua kufila tshintu tshimpe kudi bantu baudi ne bua kutshipesha*+Biwikala ne bukokeshi* bua kuambuluisha.+
28 Kuambidi muinebe ne: “Ndaku; upingane pashishe! Nenkupeshatshi malaba,”
Biwikala udi mua kutshifila mpindieu.
29 Kueledi muinebe meji a kumuenzela bibi+Padiye musombe udiumvua mu bukubi ku luseke kuebe.
30 Kutandianganyi ne muntu kakuyi bualu+Bikalaye kayi mukuenzele bualu bubi.+
31 Kualakanyi muena tshikisu+Anyi kusungudi njila wende nansha umue to,
32 Bualu Yehowa udi ukina muntu muena malu a bibenda,+Kadi bulunda buende bushême budi kudi bena bululame.+
33 Mulawu wa Yehowa udi pa nzubu wa muntu mubi,+Kadi yeye udi ubenesha nzubu wa bantu bakane.+
34 Bualu yeye udi useka badi basekangana,+Kadi udi uleja bena bupuekele luse.+
35 Bena meji nebapiane lumu,Kadi batatakane badi batumbisha dipuekeshibua milongo.+
Mamanyisha
^ Anyi “mukenji wanyi.”
^ Anyi “bulelela.”
^ Ku mua.: “kushindamenyi.”
^ Ku mua.: “mûfu.”
^ Anyi “lupetu luebe luonso.”
^ Anyi “bintu bitambe buimpe.”
^ Anyi “bikaminu bia mvinyo.”
^ Bidi bimueneka ne: badi bakula bua ngikadilu ya Nzambi idibu baleje mu mvese idi midianjidile.
^ Anyi “nebipeshe anyima webe.”
^ Anyi “kadiakukuma ku tshintu nansha tshimue.”
^ Anyi “Bikala tshianza tshiebe ne bukokeshi.”
^ Anyi “kudi benatshi.”
