Hosea 7:1-16
7 “Kitatyi kyonadi wa kundapa Isalela,Kilubo kya Efelaimi nakyo kyasokokela patōka,+Ne bubi bwa Samadia.+
Mwanda bongolañananga;+Bangivi batūtanga, bibumbo bya bañonaona nabyo bitambañana’dyo panja.+
2 Ino kebanenangapo mu mutyima wabo amba nsa kuvuluka bubi bwabo bonso.+
Pano bilongwa byabo bibajokolokele;Bidi ku meso a mpala yami.
3 Basangajanga mulopwe na bubi bwabo,Ne bamfumu na bongojani bwabo.
4 Abo bonso i ba makoji,Batēma pamo bwa fūlu wa mikate mwakijibwe na muntu usōkanga mikate,Uleka’byo kusonshila mudilo pa kupwa kusambakanya mukama kufika ne byoutatuka.
5 Mu difuku dya mulopwe wetu, bamfumu ababela—Abakalabala mwanda wa vinyu.+
Waolwela bantu ba kafutululo kuboko kwandi.
6 Mwanda abafwena, mityima yabo itēma pamo bwa fūlu wa mikate.*
Yewa usōkanga mikate ulēle bufuku bonso;Lubanga fūlu wa mikate utēmanga pamo bwa mudilo utēma lubimbi.
7 Abo bonso i bakabe pamo bwa fūlu wa mikate,Kadi babokotanga baledi* babo.
Balopwe babo bonso abapone;+I kutupu nansha umo mobadi ungita.+
8 Efelaimi wesobakanya na mizo.+
Efelaimi udi pamo bwa mukate mujokoloke wampikwa kwalamunwa.
9 Beni abamupu bukomo,+ ino aye kuyuka mpika.
Kadi mvwi yandi ibatōkoloka, ino aye kujingulula’kyo mpika.
10 Mitatulo ya Isalela ibaleta bukamoni pādi,+Ino abo kujokela kudi Yehova Leza wabo mpika,+Kadi kebamukimbilepo nansha byokudi bino byonso.
11 Efelaimi udi pamo bwa nkunda mulembakane, wampikwa ñeni.*+
Abaabija Edipito;+ abaenda ku Ashidia.+
12 Konso kobenda, nkebata bukonde bwami.
Nkebaponeja pamo bwa byoni bya mūlu.
Nkebalemununa mwendele kidyumu kipelwe kitango kyabo.+
13 Malwa abo, mwanda abaunyema!
Musala wabo, mwanda abaunjilwila!
Nadi nsaka kwibakūla, ino abo abaumbepela bubela.+
14 Kebangabijepo na mutyima wabo,+Nansha byobadi bayoyokota pa matanda abo.
Badi betapatapa bilonda pa mwanda wa miseke yabo ne vinyu mipya;Abangalamukila.
15 Nansha byonebalemunwine ne kukomeja maboko abo,Abo balwanga nami, bakuta nkuku mibi.
16 Bashintyile būmi bwabo, ino ke ku kintupo kilampe bininge;*Kebadipo bakulupilwa pamo’nka bwa buta bwa miketo buzele.+
Bamfumu babo bakapona ku kipete pa mwanda wa ndimi yabo mitomboke.
Pa mwanda wa kino, bakekala kintu kya kufutululwa mu ntanda ya Edipito.”+
