Hosea 14:1-9
14 “A Isalela, jokela kudi Yehova Leza obe,+Ke-pantu ubakukala pa mwanda wa kilubo kyobe.
2 Jokela kudi Yehova na bino binenwa,Munene amba, ‘Witulekele kilubo kyetu+ kadi itabija kyokya kiyampe,Netu tukalambula mitendelo ya milomo yetu+ pamo bwa batwe balambula bañombe bana.*
3 Ashidia kaketupandijapo.+
Ketukakandapo pa tubalwe,+Ketukanenapo monka mingilo ya makasa etu amba, “A Leza wetu!”
Mwanda i abe ufwilanga mwana wampikwa shandi lusa.’+
4 Nkondapa kubulwa kikōkeji kwabo.+
Nkebasanswa na mutyima tō,+Mwanda bulobo bwami bubafunduka kwadi.+
5 Nkekala pamo bwa lumé kudi Isalela;Aye ukatōya pamo bwa dilubaKadi ukatweja miji yandi panshi pamo bwa mityi ya Lebanona.
6 Tumisambo twandi tukāla,Buya bwandi bwa dyangi bukekala pamo bwa bwa umpafu,Mwenye wandi nao pamo bwa wa Lebanona.
7 Bakekala monka mu mwemba wandi.
Bakalupula miseke, kadi bakashipuka pamo bwa muñanza.+
Ntumbo yandi* ikekala pamo bwa vinyu ya Lebanona.
8 Efelaimi ukanena’mba, ‘Le i bika bikwabo byonsa kulonga na bilezaleza?’+
Nkalondolola ne kumulama.+
Nkekala pamo bwa mutyi wa jenevidiye mudimbile.
Bipa byobe bikatanwa kondi.”
9 Le wa tunangu i ani? Nankyo evwanije bino bintu.
Le mudyumuke i ani? Ebiyuke.
Mwanda mashinda a Yehova i moloke swā,+Kadi boloke bakenda’mo;Ino boba bajilula bakakukala’mo.
