Hosea 11:1-12
11 “Isalela paadi ukidi mwanuke, namusenswe,+Kadi naityile wami mwana atambe ku Edipito.+
2 Pobadi* bebeta kyaba ne kyaba,Po pene pobaendele kulampe nabo.+
Badi’nka balambula bankishi ba Bāla bitapwa+Ne kulambula bitapwa ku bankishi basōnge.+
3 Ino i ami wafundije Efelaimi kwenda,+ nebakwete mu ami maboko;+Kadi kebajingulwilepo amba nebondapile.
4 Nadi nebakoka na myonji ya bantu,* na myonji ya buswe;+Nadi kobadi pamo bwa muntu utulula lupungu ku bibanga byabo,Kadi nebapele biyampe abo bonso byakudya.
5 Kebakajokelapo ku ntanda ya Edipito, ino Ashidia ukekala mulopwe wabo,+Mwanda bapelele kujokela kondi.+
6 Kipete kikenyenga pa bibundi byandi,+Kikonakanya mikabo yandi ne kwibibokota pa mwanda wa nkuku yabo.+
7 Bantu bami i basumininwe kuleka kunkōkela.+
Nansha byobebetyile peulu,* i kutupu nansha umo wimene.
8 A Efelaimi, le mbwanya kukuleka namani?+
A Isalela, le mbwanya kukwaba namani?
Le mbwanya kukumona pamo bwa Adema namani?
Le mbwanya kukwalamuna pamo bwa Zeboyimi namani?+
Mutyima wami ubashinta;Lusalusa lwami lubaake* mu kitatyi kimo kyonka.+
9 Nkikalombolapo bulobo bwami budyendyemuka.
Nkikonakanyapo Efelaimi monka,+Mwanda ami ne Leza ke ne muntupo,Mwine Ujila mu bukata mwenu;Kadi nkikemwiilapo na bukalabale.
10 Bakalonda Yehova, nandi ukabuluma pamo bwa ntambo;+Pakabuluma, bandi bana bakāya kushika koku bazakala.+
11 Bakazakala pamo bwa kyoni pobakatamba mu Edipito,Ne pamo bwa nkunda pobakatamba ku ntanda ya Ashidia;+Kadi nkebashikatyija mu mobo abo,” i Yehova unena.+
12 Efelaimi waunjokoloka na bubela,Njibo ya Isalela nayo na bongojani.+
Ino Yuda ukizeuluka* na Leza,Kadi i mukōkele Mwine Ujila Nakampata.+
