Hosea 4:1-19
4 A bantu ba Isalela, ivwanai kinenwa kya Yehova,Mwanda Yehova udi na kisambo na bekadi ba ntanda,+Mwanda mu ntanda+ i mutupu bubine nansha buswe bwa ndamatyidile nansha buyuki bwa Leza.
2 Mityipo ya bubela ne bubela+ ne butapani+Ne bwivi ne makoji+ bibasambakana,Kadi kilongwa kimo kya kumwanga mashi kilondanga kilongwa kikwabo kya kumwanga mashi.+
3 O mwanda ntanda ikadila madilo+Kadi mwikadi ense udi’mo ukashinika;Banyema ba ntanda ne byoni bya mūlu,Enka ne mwita wa mu dijiba, bikatukila.
4 “Inoko, muntu nansha umo kakilwa nansha kudingila,+Mwanda bantu bobe badi pamo bwa boba balwa na kitobo.+
5 Ino abe ukakukala dyuba mu mitwe,Kadi mupolofeto ukakukala pamo nobe, pamo’nka bwa bufuku.
Kadi amiwa nkatalaja* inobe.
6 Bantu bami bakatalajibwa,* mwanda i kutupu buyuki.
Byowapela buyuki,+Nami nkakupela uñingidile bu kitobo wami;Kadi byowailwa kijila* kya Leza obe,+Nami nkelwa bobe bana.
7 Abo pa kuvudila’ko, po pene baumpya mambo.+
Nkalamuna ntumbo yabo ke bumvu.*
8 Badyanga bubi bwa bantu bami,Kadi bakomwanga meso* kilubo kyabo.
9 Bikekala muswelo umo onka ku bantu ne kudi kitobo;Nkebeta beshintulwile pa mwanda wa mashinda abo,Kadi nkebaletela byobya bilupuka ku bilongwa byabo.+
10 Bakadya, ino kwikuta mpika.+
Bakalonga buenda,* ino kebakavulapo,+Mwanda kebalēmekelepo Yehova.
11 Busekese* ne vinyu ne vinyu mipyaBitalulanga mutyima wa kulonga byoloke.*+
12 Bantu bami bepangulanga bilezaleza byabo bya mityi,Balonga byobya bibalombola mukombo* wabo;Mwanda mushipiditu wa busekese* wibasāsukijanga,Kadi bapelanga kukōkela Leza wabo mwanda wa busekese* bwabo.
13 Balambulanga bitapwa pa nsongo ya ngulu,+Kadi bafitulanga mwishi wa bitapwa pa mikuna,Munshi mwa mityi ya shene ne ya milebona ne mityi yonso mikatampe,+Mwanda mwemba wayo i muyampe.
O mwanda benu bana bana-bakaji baloñanga busekese,*Bako benu bana-bakaji nabo baloñanga makoji.
14 Nkikanenapo benu bana bana-bakaji beshintulwile pa mwanda wa busekese* bwabo,Ne bako benu bana-bakaji pa mwanda wa makoji abo.
Mwanda bana-balume bendanga na ba bwitwaNe kulambula bitapwa na bandumba;*Bano bantu bampikwa ñeni+ bakonakanibwa.
15 A Isalela,+ nansha byolonga busekese,*Yuda kakipya mambo.+
Kemwakāyai ku Ngilengale+ nansha ku Bete-Avena,+Kadi kemwakatyipai amba, ‘Bine ne Yehova byadi’ko mūmi!’+
16 Mwanda Isalela waumija nshingo pamo bwa ñombe wa nshingo myūmu.+
Le Yehova ukebakumba pamo bwa mukōko mulume mwana mu madyo?*
17 Efelaimi ulamete ku bilezaleza.+
Mulekei!
18 Shi mālwa* abo abapu,Balamukanga ke bandumba.*
Kadi balopwe bandi* basenswe bininge kafutululo.+
19 Kivula kikamuvunga* mu mapapa akyo,Kadi bakafwijibwa bumvu na bitapwa byabo.”
Kunshi kwa Dyani
^ Nansha’mba “nkonakanya.”
^ Nansha’mba “bulombodi.”
^ Nansha’mba “bakonakanibwa.”
^ Bibwanika padi i, “Abapingakanya ntumbo yabo na bumvu.”
^ Nansha’mba “batululanga muya wabo ku.” Tala “Muya” ku Nshintulwilo ya Bishima.
^ Nansha’mba “Bakalonga bundumba bwa munyanji; Bakepāna mu busekese.”
^ Kishima pa kishima i, “Bitalulanga mutyima.”
^ Nansha’mba “Bundumba; Buenda.”
^ Nansha’mba “mukombo wa bambuki.”
^ Nansha’mba “bundumba; buenda.”
^ Nansha’mba “bundumba; buenda.”
^ Nansha’mba “bundumba; buenda.”
^ Nansha’mba “bundumba; buenda.”
^ Kishima pa kishima i, “bandumba ba ku tempelo.”
^ Nansha’mba “bundumba; buenda.”
^ Kishima pa kishima i, “kifuko kikatampe?”
^ Nansha’mba “mālwa a ñano.”
^ Nansha’mba “bañenda ba munyanji; bepāne mu busekese.”
^ Kishima pa kishima i, “mangabo andi.”
^ Nansha’mba “kikamupepula.”
