Amose 6:1-14

  • Malwa abo boba babwanye byonso! (1-14)

    • Matanda a meno a banzovu; ngeso ya vinyu (4, 6)

6  “Malwa abo boba bekulupile abo bene* mu Ziona,Boba badi na mutyima-ntenke mu lūlu lwa Samadia,+Bantu batumbe ba mu mizo ya bulēme,Ku bantu kwine kwiya njibo ya Isalela!  2  Abukilai ku Kalene mumone. Tambai kwine’kwa mwende ku Hamata Mukatampe,+Kadi tūkilai ku Ngata wa bene Fidishitia. Le i bilumbuluke kutabuka ano malopwe,*Nansha ntanda yabyo i mikatampe kutabuka yenu?  3  Le mutalulanga mu ñeni yenu difuku dya kyamalwa+Ne kutweja’mo* lūma?+  4  Balālanga pa matanda a meno a banzovu+ ne kwibāla pa bitalu,+Badya mikōko milume ya mu luombe ne byana bya bañombe binune;*+  5  Bembanga mu kitulumukila na kuvuma kwa lunsense,*+Kadi pamo bwa Davida, bapunga byombanwa bya ñimbo;+  6  Batomanga vinyu na lweso+Ne kwishinga māni malumbuluke kutabuka. Ino kebatelepo mutyima ku* kimpengele kya Yosefa.+  7  O mwanda bakenda mu bu misungi, bu babajinji mu misungi,+Kadi fetyi ya kavutakanya ya boba bebādile, ikafula.  8  Mfumu Mwinē Lupusa Lonso Yehova watyipe padi aye mwine,’*+ i Yehova Leza wa bibumbo unena,‘“Nshikilwe mitatulo ya Yakoba,+Nshikilwe biteba byandi bikomejibwe,+Kadi nkapāna kibundi ne byobya biyudile’mo.+ 9  “‘“Kadi shi mu njibo imo mubashala bantu dikumi, nabo bakafwa. 10  Mubutule* ukāya kwibaselela panja ne kwibasōka umo umo. Ukalupula mikupa yabo panja pa njibo; ebiya ukanena yewa ense udi mu byumba bya munda bya njibo amba, ‘Le ukidi’mo na mukwabo?’ Nandi ukanena’mba, ‘I mutupu muntu!’ Penepo ukanena’mba ‘Uba talala! Mwanda ke kitatyipo kya kutela dijina dya Yehova.’” 11  Mwanda i Yehova wasoñanya,+Kadi ukatyumuna njibo mikatampe bibesebibese,Ne njibo mityetye tupinditupindi.+ 12  Le tubalwe tunyemanga lubilo pa kidibwe,Nansha le muntu ukadima’po na bañombe? Mwanda mubaalamuna bululame ke mutyi wa bulembe,Bipa bya boloke nabyo ke ndulwe.*+ 13  Musangelanga kintu kya bitupu,Kadi mubanena’mba, “Lelo ketukomenepo* na bukomo bwa batwe bene?”+ 14  O mwanda, a njibo ya Isalela, nkemuletela muzo,’+ i Yehova Leza wa bibumbo unena,‘Kadi bakemumwesha malwa tamba ku Lebo-Hamata*+ kutūla ne ku Kinekaneka* kya Alaba.’”

Kunshi kwa Dyani

^ Nansha’mba “babwenye byonso.”
^ Mobimwekela afunkila pa bulopwe bwa Yuda ne bwa Isalela.
^ Kishima pa kishima i, “kushikatyija’mo.”
^ Nansha’mba “bañombe bana.”
^ Nansha’mba “kyombanwa kya myonji.”
^ Kishima pa kishima i, “kebabelelepo pa.”
^ Nansha’mba “muya wandi.”
^ Kishima pa kishima i, “Mwanabo na shandi.”
^ Nansha’mba “bululu.”
^ Kishima pa kishima i, “ketwiyatyilepo masengo.”
^ Nansha’mba “kibelo kya Hamata.”

Kudi byepelo bya balembi pa kino kintu