Amose 3:1-15
3 “A bantu ba Isalela, ivwanai kino kinenwa kyanena Yehova pa mwanda wenu, pa mwanda wa kisaka kyonso kyonatambije mu ntanda ya Edipito amba:
2 ‘Nemuyukile enka banwe mu bisaka byonso bya pano pa ntanda.+
O mwanda nkemwita mwishintulwile pa bilubo byenu byonso.+
3 Le bantu babidi bakendela pamo kwampikwa kwiivwanika’mba betane?*
4 Le ntambo ukabuluma mwitó shi kadipo na kikwatwa?
Le ntambo mwana* ukongoloma mu mutá wandi shi kakwetepo kintu?
5 Le kyoni kikaponena mu kidiba pa nshi shi kepadipo dikinga dikitelwe?*
Le kidiba kikasoboka pa nshi shi kekikwetepo kintu?
6 Shi lusengo luvume mu kibundi, le bantu kebazakalangapo?
Shi kyamalwa kibapone mu kibundi, mwene i Yehova waleta’kyo?
7 Mwanda Mfumu Mwinē Lupusa Lonso Yehova kakalongapo kintuPoso asokwele bidi bengidi bandi bapolofeto+ mwanda wandi mufyame.*
8 Ntambo wabuluma!+ Le i ani kakakwatwapo moyo?
Mfumu Mwinē Lupusa Lonso Yehova wesambe! Le i ani kakanenapo bupolofeto?’+
9 ‘Sapulai’kyo pa biteba bikomejibwe bya AshedodaNe pa biteba bikomejibwe bya ntanda ya Edipito.
Nenai amba: “Mwibungei pa ngulu ya Samadia;+Talai lupotopoto mu bukata mwandiNe budimbidimbi budi’mo.+
10 Mwanda kebayukilepo mwa kulongela byoloke,” i Yehova unena,“Boba balamine lūma ne bonakani mu biteba byabo bikomejibwe.”’
11 O mwanda Mfumu Mwinē Lupusa Lonso Yehova wanena namino amba,‘Walwana ukajokoloka ntanda,+Ukayata bukomo bobe,Kadi biteba byobe bikomejibwe bikatūtwa.’+
12 Yehova wanena namino amba,‘Monka musompwelanga mukumbi bidyoma bibidi nansha kipindi kya kutwi mu kyakanwa kya ntambo,Mo mukasompwelwa ne bantu ba Isalela,Boba bashikete pano mu Samadia pa matanda a buya bwa dyangi ne pa bitalu bilumbuluke.’*+
13 ‘Ivwanai, mudyumune* njibo ya Yakoba,’ i Mfumu Mwinē Lupusa Lonso Yehova, Leza wa bibumbo unena.
14 ‘Mwanda difuku dyonketa Isalela eshintulwile pa butomboki bwandi bonso,*+Nketa ne bisōkelo bya Betele+ nabyo bishintulwile;Masengo a bisōkelo akaketwa ne kupona panshi.+
15 Nkatyumuna njibo ya mu kitatyi kya mashika ne njibo ya mu bushipo.’
‘Mobo a meno a banzovu akoneka,+Kadi mobo makatampe* akafula,’+ i Yehova unena.”
Kunshi kwa Dyani
^ Nansha’mba “kwilaya’mba betane?”
^ Nansha’mba “ntambo mwana wa manyenze.”
^ Bibwanika padi i, “shi kemudipo kyambo?”
^ Nansha’mba “kifibwe kyandi.”
^ Nansha’mba “bitalu bya ku Damakasa.”
^ Nansha’mba “mulete bukamoni pa.”
^ Nansha’mba “bibi byandi byonso.”
^ Bibwanika padi i, “mavule.”
