Samwele wa Bubidi 23:1-39

  • Binenwa bya mfulo bya Davida (1-7)

  • Bintu byalongele ba bulwi bakomokomo ba Davida (8-39)

23  Bino byo binenwa bya mfulo bya Davida:+ “Kinenwa kya Davida mwanā Yese,+Ne kinenwa kya muntu wazunzwilwe peulu,+Mushingwe māni+ wa Leza wa Yakoba,Kaimba usangaja* wa ñimbo+ ya Isalela.   Mushipiditu wa Yehova wesambīle mondi;+Kinenwa kyandi kyadi pa ludimi lwami.+   Leza wa Isalela wesambile;Dibwe dya Isalela+ dyaunenene amba: ‘Shi muntu uludika bantu i moloke,+Uludika koku utyina Leza,+   I pamo bwa kitōkeji kya lubanga kitatyi kitamba dyuba,+Lubanga lwampikwa makumbi. I pamo bwa mwinya pa kupwa kwa mvula,Umeneja biyombo panshi.’+   Mwene mo mwikadile ne njibo yami ku meso a Leza? Mwanda wasamba nami kipwano kya nyeke,+Kilongololwe mu kanda ne kanda kadi kilamwe senene. Mwanda lo lupandilo lwami lonso ne kuloelelwa kwami konso,Mwene o mwanda mwine wikitantyija?+   Ino bantu ba bituputupu basumbulwanga bonso kulampe+ bwa bimuna bya miba,Mwanda kebibwanyapo kuselwa na makasa.   Shi muntu webitenga,Ufwaninwe kuvwala byabulwi bya byuma ne lupumba* lwa mukobe,Kadi bifwaninwe kusōkwa fututu na mudilo pa kifuko kyabyo.”  Ano o majina a ba bulwi ba Davida bakomokomo:+ “Yoshebe-Bashebete mwine Takemoni, mutwe wa basatu.+ Watapile musunsa umo bantu 800 na mukobe wandi.  Kupwa aye, ke Eleaza+ mwanā Dodo+ mwanā Ahohi wadi mu bukata mwa ba bulwi basatu bakomokomo badi na Davida kitatyi kyobakakolomwene bene Fidishitia. Bekongakenye kwine’kwa mwanda wa bulwi, kadi kitatyi kyanyemene bana-balume ba Isalela, 10  aye waimene’nka pamo katape’nka kutapa bene Fidishitia, kuboko kwandi kwaōya ne kōya kadi dikasa dyandi dyaumina ku kipete+ kyaadi ushipīle. Enka nenki Yehova waleta bushindañani bukatampe* dyodya difuku;+ kadi bantu bajokela kunyuma kwandi mwanda wa kuvūla bantu batapwe. 11  Kupwa aye kwadi Shamaha mwanā Ange mwine Halale. Bene Fidishitia bekongela pamo ku Lehi, kwine kwadi kapindi ka ntanda kayule’mo nkunde mityemitye bā; kadi bantu banyema mwanda wa bene Fidishitia. 12  Ino waimana mu bukata mwa budimi webulwila, watapa’nka kutapa bene Fidishitia, enka nenki Yehova waleta bushindañani bukatampe.*+ 13  Bana-balume basatu ba mu mitwe 30 batūkila kudi Davida mu kitatyi kya mwangulo ku mutá wa Adulama,+ kadi kibumbo* kya bene Fidishitia kyadi kitūdile nkambi mu Musanza* wa Lefaime.+ 14  Papo Davida wadi mu kifuko kikomejibwe,+ ino basola ba ku meso ba bene Fidishitia badi mu Betelema. 15  Kupwa Davida walombola kwabila kwandi amba: “Shi nadi’tu mbwanya kutoma mema a mu kyumbu kidi dya ku kibelo kya Betelema!” 16  Ponkapo ba bulwi basatu bakomokomo bakatwela ku bukomo mu nkambi ya bene Fidishitia, bateka mema mu kyumbu kidi dya ku kibelo kya Betelema bapaila’o Davida; ino aye wapela kutoma’o, wapungulula’o ku meso a Yehova.+ 17  Wanena’mba: “Kebibwanikapo kondi, abe Yehova, kulonga kino kintu! Le mfwaninwe kutoma mashi+ a bana-balume baendanga kutūla būmi bwabo* mu kyaka?” Penepo wapela kutoma’o. Bino byo byalongele bandi ba bulwi basatu bakomokomo. 18  Abishai+ mwanabo na Yoabe mwanā Zeluya+ nandi wadi mutwe wa basatu bakwabo; watapile bantu 300 na mukobe wandi, kadi nandi wadi mutumbe pamo bwa boba basatu.+ 19  Nansha byaadi mutumbe bininge pa basatu bakwabo kadi nansha byaadi mukata wabo, aye kafikīlepo pa ludingo lwa basatu babajinji. 20  Benaya+ mwanā Yehoyada wadi mwana-mulume mukankamane* walongele bintu bivule bya nkuo mu Kabezele.+ Waipaile bana babidi ba Adiele wa ku Moabu, kadi watūkīle mu kīna kya mema mu difuku dya mashika mekwate waipaya ntambo.+ 21  Kadi waipaile ne mwine Edipito umo wa kimano kipite’byo kipimo. Nansha mwine Edipito byaadi na mukobe mu kuboko, aye waendele kwadi na mukombo, wasompola mwine Edipito mukobe mu kuboko, wamutapa’nka na mukobe wandi’wa. 22  Bino byo byalongele Benaya mwanā Yehoyada, kadi wadi mutumbe pamo bwa ba bulwi basatu bakomokomo. 23  Nansha byaadi mutumbe bininge kupita’nka ne boba makumi asatu, kafikīlepo pa ludingo lwa basatu. Inoko Davida wamutūdile ke mukata wa bandi basola balami. 24  Asahele+ mwanabo na Yoabe wadi mu boba makumi asatu: Elanana mwanā Dodo wa ku Betelema,+ 25  Shamaha mwine Haloda, Edika mwine Haloda, 26  Heleze+ mwine Pelete, Ila+ mwanā Ikeshe mwine Tekoa, 27  Abi-Ezele+ mwine Anatote,+ Mebunai mwine Husha, 28  Zalemone mwine Ahohi, Mahalai+ mwine Netofa, 29  Helebe mwanā Baane mwine Netofa, Itai mwanā Dibai wa ku Ngibea wa bene Benjemani, 30  Benaya+ mwine Pilatoni, Hidai wa ku binekaneka* bya Ngashi,+ 31  Abi-Alebone mwine Alaba, Azamaveta mwine Bahudime, 32  Ediaba mwine Shalabone, bana ba Yashene, Yonafane, 33  Shamaha mwine Halale, Ahiame mwanā Shalale mwine Halale, 34  Edifelete mwanā Ahasebai mwanā mwine Makati, Ediama mwanā Ahitofele+ mwine Ngilo, 35  Hezelo mwine Kalamela, Palai mwine Alabi, 36  Ingala mwanā Natana wa ku Zoba, Bani mwine Ngade, 37  Zeleke mwine Amone, Nahalai mwine Belote, kyabuta wa Yoabe mwanā Zeluya, 38  Ila mwine Itidi, Ngaleba mwine Itidi,+ 39  ne Udia+ mwine Hiti—abo bonso i bantu 37.

Kunshi kwa Dyani

Nansha’mba “Yewa usangaja.”
Mutyi mukwikwanga mukobe.
Nansha’mba “lupandilo.”
Nansha’mba “lupandilo.”
Nansha’mba “kibundi kya mapema.”
Nansha’mba “Dilungu dya Musanza.”
Nansha’mba “myuya yabo.”
Kishima pa kishima i, “mwanā mwana-mulume wa kininga.”