Түркүн түстүү гүлдөрдү, жымыңдаган жылдыздарга толгон асманды же үнү кулак жарган шаркыратманы көргөндө Жараткан жөнүндө ойлоносуңбу? Табият Жахабанын көзгө көрүнбөгөн сапаттарын айкын көрсөтүп турат (Рм 1:20). Көзүбүз көргөн нерселер жөнүндө ой жүгүрткөнгө убакыт бөлсөк, Кудайдын күчүн, сүйүүсүн, акылмандыгын, адилеттүүлүгүн, ошондой эле берешендигин баамдайбыз (Зб 104:24).

Сен күндө Жахабанын кайсы кереметтүү жаратууларын көрөсүң? Шаарда жашасаң да, канаттуу куштарды же бак-дарактарды көрө аласың. Жахаба жараткан нерселерге кылдат байкоо салуу көп тынчсызданбаганга, көйгөйлөрүбүзгө туура көз карашта болгонго жана Жахабанын бизге түбөлүк кам көрө аларына болгон ишенимибизди бекемдегенге жардам берет (Мт 6:25—32). Балдарыңар бар болсо, аларга Жахабанын теңдешсиз сапаттарын аңдоого көмөк кылгыла. Жаратылышка болгон ыраазычылыгыбыз арткан сайын, Жаратканыбызга ошончолук жакындай беребиз (Зб 8:3, 4).

«ЖАРАТЫЛГАНДЫН БААРЫ ЖАРАТКАНДЫН ДАҢКЫН ЖАР САЛАТ. ЖАРЫК ЖАНА ТҮСТӨР» ДЕГЕН ВИДЕОТАСМАНЫ КӨРҮП, ТӨМӨНКҮ СУРООЛОРГО ЖООП БЕРГИЛЕ:

• Эмне үчүн түстөрдү айырмалап көрө алабыз?

• Түстөр эмнеге жараша кубулат?

• Эмне үчүн асмандагы ар кандай өңдөрдү көрө алабыз?

• Үйүңдүн тегерегинен кандай түстөрдү көрөсүң?

• Табиятка көз чаптырганга эмне үчүн убакыт бөлүшүбүз керек?