Дьнйа бь Шәрʹ у Тʹәвльһәвбуне Тʹьжәда Әʹдьлайе Бьвиньн
Гари, йе кӧ бәре әскәр бу, дьбежә: «Пешийа кӧ Кʹьтеба Пироз һин бума, мьн ԛә фәʹм нәдькьр кӧ чьрʹа дьнйайеда һаԛас зӧлми, нәрʹасти у кӧл-дәрд һәнә. Ле ньһа дьле мьн рʹьһʹәт ә. Әз заньм, ԝәки Йаһоԝа Хԝәде ԝе әʹдьлайе у бехофийе бинә сәр әʹрде».
Гәләк мәрьв мина Гари хԝә тʹәхмин дькьн. Дина хԝә бьдьне, кӧ ча Кʹьтеба Пироз али ԝан мәрьва кьрийә.
КʹЬТЕБА ПИРОЗДА ТЕ ГОТЬНЕ: «Тӧ Хӧдано, ԛәнщ у афу кьр и» (Зәбур 86:5).
ӘВ ЙӘК ЧА АЛИ МӘ ДЬКӘ: «Әв рʹез мьн дьдә баԝәркьрьне, ԝәки Йаһоԝа рʹәʹм ә. Әз заньм, ԝәки әԝ һазьр ә бона һәр тьшти чь кӧ мьн кьрьбу гава шәрʹда бум, бьбахшинә мьн»—Ԝилмар, Коломбйа.
КʹЬТЕБА ПИРОЗДА ТЕ ГОТЬНЕ: «Чьмки, ва йә, әз әʹзманәки ну у әʹрдәки ну дьәʹфьриньм. Ԝе тьштед бәре нәйен бьбиранин у нәйен сәр һʹьша» (Ишайа 65:17, ИМ).
ӘВ ЙӘК ЧА АЛИ МӘ ДЬКӘ: «Жь бо шәрʹ әз кʹәтьмә депресийайе у жь биранинед хьраб дьчәрчьрим. Ле әв рʹез дькә бира мьн, ԝәки зутьрәке Йаһоԝа ԝе фькьред кӧ мьн әʹщьз дькьн, бьдә һьлдане у дьле мьн рʹьһʹәт кә. Әв һәр тьшт чь кӧ бәре ԛәԝьми, ԝе ида нәйе бира мьн у мьн әʹщьз нәкә. Әв ԝәʹдә ԝе чьԛас хԝәш бә!»—Зафира, Дәԝләтед Йәкбуйи.
КʹЬТЕБА ПИРОЗДА ТЕ ГОТЬНЕ: «Рʹожед ԝида рʹасти гӧл дә у әʹдьлайи гәләк бә, һʹәта кӧ һив бәтавәбә» (Зәбур 72:7).
ӘВ ЙӘК ЧА АЛИ МӘ ДЬКӘ: «Әз гәләк щар дәрһәԛа ԝан гьлийа дьшьрмиш дьбьм. Зутьрәке шәрʹ у кӧл-дәрдед кӧ әв пәй хԝә тинә, ԝе бь тʹәмами бенә һьлдане. Мәрʹа ида ԝе нәлазьм бә сәва мәрьвед хԝәйә незик бәр хԝә кʹәвьн»—Олександра, Украина.
КʹЬТЕБА ПИРОЗДА ТЕ ГОТЬНЕ: «Ԝе мьрийед тә . . . рʹабьн. Кәсед дь нав тʹозеда дьжин, һʹьшйар бьн у бь кʹеф бьԛирʹьн!» (Ишайа 26:19, ИМ).
ӘВ ЙӘК ЧА АЛИ МӘ ДЬКӘ: «Ԝәкә һʹәму әндәмед малбәта мьн ԝәʹде геносида мьԛабьли бәрәка Тутси һатьбун кӧштьне. Ле әв рʹез мьн дьдә баԝәркьрьне, ԝәки әзе диса ԝана бьвиньм. Әз һʹьзрәта ве рʹоже мә кӧ дәнге ԝанә әшԛ у ша бькʹәвә гӧһе мьн, гава әԝана жь мьрьне рʹабьн!»—Мариа, Рԝанда.
КʹЬТЕБА ПИРОЗДА ТЕ ГОТЬНЕ: «Һьнәки шунда нәпʹаке бәтавәбә, . . . Ле бәле мьлуке әʹрде ԝар бьн, хер-хԝәшийева ԝе хьне бьн у ша бьн» (Зәбур 37:10, 11).
ӘВ ЙӘК ЧА АЛИ МӘ ДЬКӘ: «Рʹаст ә шәрʹ хьлаз бу, ле мәрьвед зӧльм у нәпʹак диса жи манә. Әв рʹез гәләк мьн ԛәԝи дькьн. Йаһоԝа һәр тьшти дьвинә у һʹале мьн фәʹм дькә. Әԝ соз дьдә, ԝәки зутьрәке һʹәму кӧл-дәрд ԝе хьлаз бьн у бенә биркьрьне»—Далер, Тащикьстан.
Әв мәрьв, фькьред кʹижана кӧ ве журналеда һатьнә ньвисаре, нав ԝан бь милйона Шәʹдед Йаһоԝада ньн, йед кӧ бь сайа Кʹьтеба Пироз рʹьһʹәтийа дьл ԛазанщ кьрьнә. Әԝана һин бунә кӧ ча нәфрʹәтийе жь бо щӧдәбуна мьләт, бәрәк у култура, ӧса жи нәфрʹәтийа һьндава кәсәки шәхси жь дьле хԝә дәрхьн (Әфәси 4:31, 32). Шәʹдед Йаһоԝа алийе политикида тʹәвнәбуйине хԝәй дькьн, у тʹәви шәрʹа у зӧлмийе набьн (Йуһʹәнна 18:36).
Шәʹдед Йаһоԝа ԛәԝат у пьштгьрийе жь бьратийа хԝәйә һʹәмдьнйайе дьстиньн, йе кӧ бь һʹәзкьрьне тʹьжә йә (Йуһʹәнна 13:35). Мәсәлә, Олександра, дәрһәԛа кʹижане кӧ жоре һатьбу готьне, жь бо шәрʹ мәщбур бу тʹәви хушка хԝә бьрʹәвә ԝәлате дьн. Әԝ дьбежә: «Чахе әм синор дәрбаз бун, әм дәрберʹа рʹасти Шәʹдед Йаһоԝа жь ԝи ԝәлати һатьн, йед кӧ ԝедәре һивийа мә бун. Ԝана али мә кьр ԝәлате хәрибда ча кʹочʹбәр һини әʹмьрәки тʹәзә бьн».
Әм бь дьл у щан ԝә тʹәглиф дькьн сәр щьватед мә, кʹидәре кӧ әм мьзгинийа хере жь Кʹьтеба Пироз педьһʹәсьн у һин дьбьн ль гора ве мьзгинийе бьжин. Бькʹәвьнә малпәра jw.org ԝәки бьвиньн Ода Щьвате кӧ незики ԝә йә, йан жи бьхԝазьн ԝәки Шәʹдәки Йаһоԝа һинбуна Кʹьтеба Пирозә бепʹәрә тʹәви ԝә дәрбаз кә бь сайа кʹьтеба Ша бә Жийинерʹа Һʹәта-Һʹәтайе!
