Зәбүр 19:1—14
Ән-күй жетекшісіне. Дәуіттің жыры.
19 Заңғар көк Құдайдың салтанатын жариялайды+,Аспан әлемі оның істерін айтып жар салады+.
2 Күн сайын олар сөз тиегін ағытады,Түн сайын білімге жол ашады.
3 Бір ауыз сөз айтып, ләм-мим демейді,Үндері де естілмейді.
4 Сөйтсе де дауыстары* шартарапқа жетеді,Хабарлары жердің шетіне дейін естіледі+.
Құдай көкте Күнге арнап шатыр тікті,
5 Күн шымылдықты ашып шыққан күйеужігіттей,Межелі жеріне жүгіріп бара жатқан батырдай қуанады.
6 Ол көктің бір шетінен шығып,Екінші шетіне айналып барады+.
Оның аптабынан ештеңе де жасырын қалмайды.
7 Ехобаның заңы кемелді+, қайтадан күш дарытады*+.
Ехобаның ескертулері сенімді+, тәжірибесізді дана қылады+.
8 Ехобаның нұсқаулары әділ, жүректі қуантады+;Ехобаның бұйрықтары таза, көзіңді жайнатады+.
9 Ехобаның алдындағы қорқыныш+ таза, мәңгіге ұласады.
Ехобаның үкімдері шынайы, барынша әділ+.
10 Олар алтыннан да,Көптеген саф алтыннан да артық+;Ара ұясынан таматын балдан да тәтті+.
11 Олар қызметшіңді ескертіп тұрады+,Соларды ұстанған адам зор сый алады+.
12 Өз қателіктерін кім байқар+?
Білместікпен жасаған күнәларымды кешіре көр.
13 Қызметшіңді сақтай көр өзімшіл әрекеттерден+,Ондай істер үстем болмасын менен+.
Сонда мінсіз боламын+,Сорақы күнәлардан іргемді аулақ саламын.
14 Аузымнан шыққан сөздерім мен жүрек толғанысымӨзіңе ұнамды болғай+, уа, Ехоба, Жартасым+ әрі Азат етушім*+!
Сілтемелер
^ Мүмкін: “өлшеуіш жібі”.
^ Немесе “қайтадан жан бітіреді”.
^ Немесе “Құнымды өтеп алушым”.
