Егер сен Киелі кітаптың талаптарына сай өмір сүріп жатсаң және Ехобамен достығыңды нығайтып жүрсең, шомылдыру рәсімінен өту туралы ой келе бастаған шығар. Осындай маңызды қадамды жасауға дайынсың ба, жоқ па, қалай білсең болады? a

Бұл мақалада

•  Білімім қаншалықты болу керек?

•  Маған не істеу керек?

•  Құрдастарыңның ойы қандай?

 Шомылдырудан өтуге дайындалу мектептегі емтиханға дайындалу сияқты емес. Мәліметті бастан-аяқ судыратып жаттап алудың қажеті жоқ. Сен “ақыл-ойыңды” іске қосуың керек (Римдіктерге 12:1). Сенің мақсатың Киелі кітапта айтылғандардың шындық екеніне көзіңді жеткізу болғаны дұрыс. Мысалы:

•   Құдайдың бар екеніне және оған қызмет етуіңе лайық екеніне сенімдісің бе?

   Киелі кітап не дейді? “Құдайға жақындайтын әркім оның бар екеніне және өзін шын жүректен іздейтіндерге сый беретініне сену керек” (Еврейлерге 11:6).

   Өзіңе сұрақ қой: Мен Құдайға не үшін сенемін? (Еврейлерге 3:4). Неге мен оған қызмет етуім керек? (Аян 4:11).

   Көмек қажет пе? “Жаратылды ма, әлде эволюция ма?” (1-бөлім). Не үшін Құдайға сену керек?” (ор.) деген мақаланы қара.

•   Киелі кітаптың ішіндегілерді Құдай жаздырғанына сенімдісің бе?

   Киелі кітап не дейді? “Киелі жазбалардың бәрі Құдай рухының жетелеуімен жазылған, әрі тәлім беруге, әшкерелеуге, түзетуге, әділ талаптарға сай тәрбиелеуге тиімді” (Тімөтеге 2-хат 3:16).

   Өзіңе сұрақ қой: Киелі кітапта адамдардың емес, Құдайдың ойы жазылғанына неге сенімдімін? (Ишая 46:10; Салоникалықтарға 1-хат 2:13).

   Көмек қажет пе? “Киелі кітаптың маған қандай пайдасы бар? Киелі кітабыңмен жақсырақ таныс (1-бөлім)” деген мақаланы қара.

•   Ехоба өз еркін орындау үшін мәсіхшілер қауымын қолданатынына сенімдісің бе?

   Киелі кітап не дейді? “Ол қауым арқылы және Мәсіх Иса арқылы ұрпақтан ұрпаққа мәңгі бақи даңқтала берсін!” (Ефестіктерге 3:21).

   Өзіңе сұрақ қой: Қауым кездесулерінде Киелі кітаптан білгендерімді Ехобаның сөзі деп қабылдаймын ба, әлде адамдардікі деп пе? (Матай 24:45). Кездесулерге ата-анам бара алмай қалса да (егер олар баруға рұқсат етсе) бара беремін бе? (Еврейлерге 10:24, 25).

   Көмек қажет пе? “Ехоба куәгерлерінің жиналыстарына барудың қандай пайдасы бар?” деген мақаланы қара.

 Шомылдыру рәсімінен өту үшін саған мінсіз болудың қажеті жоқ. Әйтсе де “жамандықтан қашық” жүріп, “жақсылық жасауға” тырысып жүргеніңді көрсетуің қажет (Зәбүр 34:14). Мысалы:

•   Ехобаның талаптарына сай өмір сүріп жүрсің бе?

   Киелі кітап не дейді? “Ар-ұждандарыңды таза сақтаңдар” (Петірдің 1-хаты 3:16).

   Өзіңе сұрақ қой: Ой-санамды жаман мен жақсыны ажырата алуға үйреткенім неден көрінеді? (Еврейлерге 5:14). Құрбы-құрдастарымның қысымына төтеп берген нақты жағдайлар есімде ме? Достарым мені жақсы нәрсені істеуге талпындыра ма? (Нақыл сөздер 13:20).

   Көмек қажет пе? “Ар-ұжданымды қалай тәрбиелесем болады?” деген мақаланы қара.

•   Істерің үшін Ехобаның алдында жауап беретініңді түсінесің бе?

   Киелі кітап не дейді? “Әрқайсысымыз өз іс-әрекетіміз үшін Құдай алдында есеп береміз” (Римдіктерге 14:12).

   Өзіңе сұрақ қой: Өз-өзіммен шыншылмын ба, өзгелермен ше? (Еврейлерге 13:18). Қателіктерімді мойындаймын ба, әлде оларды жасыруға не басқаларға жаба салуға тырысамын ба? (Нақыл сөздер 28:13).

   Көмек қажет пе? “Қателік жасағанда, не істеген дұрыс?” (ор.) деген мақаланы қара.

•   Ехобамен достығыңды нығайтуға тырысып жүрсің бе?

   Киелі кітап не дейді? “Құдайға жақындаңдар, сонда ол да сендерге жақындайды” (Жақып 4:8).

   Өзіңе сұрақ қой: Ехобаға жақындау үшін не істеп жүрмін? Киелі кітапты үнемі оқимын ба? (Зәбүр 1:1, 2). Әрдайым дұға етемін бе? (Салоникалықтарға 1-хат 5:17). Дұғамда бәрін нақты айтамын ба? Менің достарым Ехобаның да достары ма? (Зәбүр 15:1, 4).

   Көмек қажет пе? “Киелі кітаптың маған қандай пайдасы бар? Киелі кітапты қызықты етіп оқи біл (2-бөлім)” және “Не үшін дұға айту қажет?” деген мақалаларды қара.

 КЕҢЕС: Шомылдыру рәсіміне дайындалу үшін “Жастардың сауалдары. Пайдалы кеңестер” (ор.) кітабының 2-томы, 37-тарауын қара. Әсіресе 308, 309-беттегі жұмыс парақшасына көңіл аудар.