Kwenda na mambu ke na kati

Kwenda na tansi ya malongi

 BIMVWAMA YA NDINGA YA NZAMBI | MATAYO 12-13

Mbandu ya Ble mpi ya Matiti ya Mbi

Mbandu ya Ble mpi ya Matiti ya Mbi

Yezu sadilaka mbandu ya Ble ti ya matiti ya mbi sambu na kumonisa mutindu mpi ntangu yina yandi ta katula Bakristu yina bo me tulaka mafuta yina yandi fwanisaka ti ble na kati ya bantu; yandi yantikaka yo na mvu 33 T.B.

13:24

‘Muntu mosi kunaka mbuma ya mbote na kilanga na yandi’

  • Muntu ya ke kuna: Yezu Kristu

  • Yandi me kuna mbuma ya mbote: Bo me tula balongoki ya Yezu mafuta na nsadisa ya mpeve santu

  • Kilanga: Nsi-ntoto, disongidila bantu

13:25

“Ntangu bantu vandaka kulala, mbeni na yandi kwisaka mpi yandi kunaka matiti ya mbi”

  • Mbeni: Diabulu

  • Bantu vandaka kulala: Lufwa ya bantumwa

13:30

“Beno bika yonso zole kuyela kumosi tii na nsungi ya kukatula bima na bilanga”

  • Ble: Bakristu yina bo me tulaka mafuta

  • Matiti ya mbi: Bakristu ya luvunu

“Beno katula ntete matiti ya mbi . . . ; na nima beno vukisa ble”

  • Bampika/bantu ya ke katula bambuma: Bawanzio

  • Nsungi ya kukatula bambuma: Bakristu ya luvunu kele ya kukabwana ti Bakristu yina bo me tulaka mafuta

  • Kuvukisa yo na nzo ya kubumba bima: Bo ke vukisa Bakristu yina bo me tulaka mafuta na kati ya dibundu ya bunkete

Ntangu nsungi ya kukatula bambuma yantikaka, inki sadisaka na kuswaswanisa Bakristu ya kieleka ti ya luvunu?

Inki mambote mono lenda baka kana mono bakisa mbandu yai?