ЛІахэр къэтэджыжыну?
Уэ дауэ уеплърэ?
-
Къэтэджыжынущ.
-
Къэтэджыжынукъым.
-
СщІэркъым.
ТХЫГЪЭ ЛЪАПІЭМ ЖИІЭР
«Пэжыгъэ зиІэхэмрэ зимыІэхэмрэ Тхьэм къигъэтэджыжынущ» (Апостолхэм 24:15, ХъыбарыфІыр, 1993).
АБЫ УИ СЭБЭПУ ХЭЛЪЫР
ФІыуэ плъагъу гуэр лІэмэ, уи лъэр щІэхукъым (2 Коринф 1:3, 4).
ЛІэныгъэм ущышынэу узэщІиубыдамэ, укъригъэутІыпщыжынущ (Еврейхэм 2:15).
Уи лІахэр къэтэджыжу уазэрыхуэзэжынымкІэ гугъэ быдэ къует (Иуан 5:28, 29).
ТХЫГЪЭ ЛЪАПІЭМ ЖИІЭР ДИ ФІЭЩ ТЩІЫ ХЪУНУ?
Хъунущ, абы щхьэусыгъуэ куэд иІэщ. Псалъэм папщІэ:
-
Алыхьым псэ зыІут псоми гъащІэ иритащ. Тхыгъэ ЛъапІэм зэрыжиІэмкІэ Иеговэщ «псэ зыІут псори щызыгъэІэр» (Апостолхэм 17:24, 25, ЩІэдзапІэмрэ ХъыбарыфІымрэ, 2011; Псалом 36:9). Псори къэзыгъэщІам, шэч хэмылъу, лІахэр къигъэтэджыжыфынущ.
-
Алыхьым япэм щыгъуэ цІыху гуэрхэр къигъэтэджыжауэ щытащ. Тхыгъэ ЛъапІэм и гугъу ещІ щІылъэм щыпсэун щхьэкІэ лІахэм къахэтэджыкІыжауэ цІыхуийм. Абыхэм яхэтащ ныбжь зиІи зимыІи, цІыхухъуи цІыхубзи. Абыхэм я нэхъыбэр лІауэ куэдрэ щымытами, зыр махуиплІкІэ лІауэ щытащ (Иуан 11:39—44).
-
Алыхьыр иджыри хуейщ лІахэр къигъэтэджыжыну. Иеговэ илъагъу хъукъым лІэныгъэр; ар абы бийуэ елъытэ (1 Коринф 15:26). Иеговэ а бийм текІуэну мурад быдэ иІэщ. ЛІахэр къызэригъэтэджыжынымкІэ лІэныгъэм кІэ иритынущ. Иеговэ Іейуэ поплъэ фІыкІэ игу къинэжа цІыхухэр мы щІылъэм щыпсэуну къыщигъэтэджыжыну махуэм (Иов 14:14, 15).
ЕГУПСЫСЫТ
Иджыри уигу ирихьыфынур
ESSENTIAL BIBLE TEACHINGS
ЦІыхум лІа нэужь сыт къыщыщІыр?
Лазар хуэдэу, ди лІахэр куэд мыщІэу къэтэджыжыну Библием гугъэ дахэ къыдет.
ДЭ ТТЕУХУАУЭ
Библиер щІэджын хуейр сыт?
Дуней псом цІыху мелуан куэдым Библиер сэбэп яхуохъу мыхьэнэшхуэ зиІэ упщІэхэм я жэуапыр къагъуэтыну. Ухуейт уэри ар сэбэп къыпхуэхъуну?
БИБЛИЕМ ЗЫХУРИГЪАДЖЭР
Библиер зэрадж курсым хэплъэ
Уи деж къакІуэу Библием урагъэджэфынущ икІи абы щхьэкІэ ахъшэ щІэптын хуейуэ щыткъым.
