Eviavia 15:1-8
-
Ikọ-odhiwu ihrẹ avọ iye ihrẹ (1-8)
-
Ole Mosis gbe ọrọ Omogodẹ na (3, 4)
-
15 Mẹ tẹ jọ obọ odhiwu ruẹ oka ofa jọ, oka nọ u gbunu gaga, ikọ-odhiwu ihrẹ nọ i kru iye ihrẹ. Iye nana họ erọ urere, keme i te kuhọ no yọ ofu Ọghẹnẹ o re no.
2 Mẹ tẹ ruẹ oware jọ nọ o wọhọ abade ughẹgbe nọ a gua erae kugbe, yọ ahwo nọ a kparobọ vi arao ojihẹ na avọ ẹmema riẹ gbe inọmba odẹ riẹ a dikihẹ akotọ abade ughẹgbe na, yọ a kru ekpata Ọghẹnẹ.
3 A jẹ so ole Mosis odibo Ọghẹnẹ gbe ole Omogodẹ na, inọ:
“Jihova* Ọghẹnẹ, Erumeru, iruo ra e rrọ ruaro je gbunu. Idhere ra i kiẹrẹe jẹ rrọ gbagba, O, Ovie ebẹdẹ bẹdẹ.
4 Ono ọ rẹ dhozọ ra ha, Jihova,* jẹ rọ orro kẹ odẹ ra ha? Keme whẹ ọvo họ ọnọ o re ru oware nọ o gba ẹsikpobi! Erẹwho na kpobi a te nyaze te gọ owhẹ evaọ aro ra, keme oziẹobro okiẹrẹe ra u dhesẹ oma via no.”
5 Nọ onana o vrẹ no, mẹ tẹ ruẹ oria aruẹri ọrọ uwou-udhu isẹri na nọ a rovie evaọ obọ odhiwu,
6 ikọ-odhiwu ihrẹ nọ i kru iye ihrẹ na a te no oria aruẹri na ze, yọ a ku iwu efuafo nọ i bi lo họ avọ ẹwẹ-ohọ igoru nọ a ro mu udu wariẹ.
7 Omọvo ikọ-odhiwu ene na ọ tẹ rehọ imidhe ihrẹ nọ e vọ avọ ofu Ọghẹnẹ nọ ọ rrọ uzuazọ bẹdẹ bẹdẹ na kẹ ikọ-odhiwu ihrẹ na.
8 Oria aruẹri na o tẹ vọ avọ iwiri fiki oruaro Ọghẹnẹ gbe fiki ogaga riẹ, yọ ohwo ọvo ọ sae ruọ eva oria aruẹri na ha bẹsenọ iye ihrẹ ikọ-odhiwu ihrẹ na i ro re.
