Phau Vajlugkub qhia li no

 Vajtswv xav kom koj los paub nws yam li tus Neeg, thiab muaj kev sib raug zoo nrog nws es koj thiaj hlub thiab teev tiam tau nws tag koj lub siab lub ntsws. (Mathais 22:37, 38; Yakaunpaus 4:8) Yog koj kawm txog Yexus lub neej thiab tej uas nws qhia ces koj yuav paub ua haum Vajtswv siab. (Yauhas 7:16, 17) Yexus tsis yog qhia txog tej uas Vajtswv xav kom peb ua xwb tiam sis nws yeej ua kiag nws lub neej raws li Vajtswv lub siab nyiam. Yexus hais tias kuv lub neej “tsis yog los ua raws li kuv lub siab nyiam, tiam sis yog los ua raws li tus uas txib kuv los lub siab nyiam.”​—Yauhas 6:38.

Puas yog yuav tsum muaj ib qho pov thawj, ua yog toog pom, los sis hnov Vajtswv hu kuv tso es thiaj paub tias Vajtswv xav kom kuv ua dab tsi tiag?

 Tsis yog, rau qhov phau Vajlugkub twb muab Vajtswv txoj xov rau noob neej lawm. Phau Vajlugkub twb qhia txhua yam uas koj cheem tsum paub txog es koj “thiaj paub txhij thiab txawj ua txhua yam haujlwm zoo.” (2 Timautes 3:16, 17) Vajtswv xav kom koj siv phau Vajlugkub nrog rau koj “lub laj lim tswv yim” kom koj thiaj kawm tau tej uas Vajtswv xav kom koj ua.​—Loos 12:1, 2; Efexus 5:17.

Kuv ua puas tau haum Vajtswm siab tiag?

 Koj yeej ua tau, rau qhov phau Vajlugkub hais tias: “Vajtswv tej lus peb yeej coj tsis nyuaj li.” (1 Yauhas 5:3) Qhov no tsis txhais tias yuav yooj yim rau koj ua raws li Vajtswv tej lus nkaw tas mus li. Tiam sis yog koj mloog Vajtswv lus ces koj yuav tau txais koob hmoov ntau dua qhov uas koj yuav tsum tau ua. Yexus hais tias: “Tus uas hnov Vajtswv txoj lus thiab coj raws nraim li ntawd thiaj yog tus uas tau koob hmoov!”​—Lukas 11:28