Mémoryal a mò a Jézi
Lendi 22 maws 2027
Chak lanné, Témwen a Jéova ka konmémoré mò a Jézi. Yo ka fè sa Jézi limenm a-y mandé. I di : « Kontinyé fè sa pou zòt sonjé-mwen » (Lik 22:19).
Nou ka envité-w èvè fanmi a-w pou évènman-lasa.
Kèsyon onlo moun ka pozé-yo
Kimoun ki pé vin ?
Nou ké kontan akéyi toutmoun. Si ou vlé ou pé menné fanmi a-w é zanmi a-w.
Konmen tan pwogram-la ka diré ?
Pwogram-la ké diré apépré inè-d-tan.
Ola sa ké fèt ?
Pran kontak èvè on Témwen a Jéova pou sav kijan sa ké pasé la ou ka rété la.
Ès fò ou péyé pou vin Mémoryal, é ès ou ké oblijé wouvin ?
Non.
Ès ké ni lakèt ?
Non. Témwen a Jéova pa jen ka fè lakèt adan réinyon a yo (Matyé 10:8).
Ès fò ou abiyé on mannyè èspésyal ?
Non. Pawkont, Témwen a Jéova ka fè éfò pou mèt on lenj asi yo ki ka montré yo ka rèspèkté évènman-la yo k’ay kay sélébré la.
Kijan nou ka sélébré Mémoryal-la ?
Adan pwogram-lasa ké ni on diskou ki ké èspliké poukwa sakrifis a Jézi sé on biten ki enpòwtan é kijan nou pé bénéfisyé dè tousa Jéova é Jézi fè pou nou. Pwogram-la ké koumansé èvè on kantik é on priyè é i ké fin menmjan la.
Si ou vlé konnèt plis biten asi sa, gadé awtik-la : « Poukwa Témwen a Jéova pa’a sélébré Rèpa a Ségnè la menmjan ki sélézòt rèlijyon-la ? ».
Kitan sé pwochen Mémoryal-la ké fèt ?
2027 : Lendi 22 maws
2028 : Dimanch 9 avril
2029 : Jédi 29 maws
Ay gadé sa osi...
MÉMORYAL
Pou sonjé Jézi é sakrifis a-y
Nou té ké kontan toubòlman si ou té ka vin sélébré évènman enpòwtan-lasa èvè nou. Ou ké dékouvè tousa vi a Jézi é tousa mò a-y osi pé pòté dè bon ba-w.
ESSENTIAL BIBLE TEACHINGS
Poukwa Jézi mò ?
Pétèt ou ja tann moun di kè i mò pou péché an nou. Men ès onsèl sakrifis té’é pé vréman sèvi pou milyon é milyon moun ?
KIMOUN NOU YÉ
Vin réinyon
Dékouvè kijan réinyon an nou ka déwoulé. Touvé on koté ou pé adoré Bondyé toupré kaz a-w.