E tasi ano faʼi le tagata i lana filifili a mutuʼi neʼa alā e fia fai mo fia tui aia ki ai ti mo le faʼu o lona ʼulu. Ka tou fakalogo ki ʼiki pelesepeto, e tou fakasā ai a neʼa alā e tou mālieʼia ti mo tou fakafiafiaʼi ai a Seova. Tou tioʼi muʼa a ʼiki pelesepeto.

1. Koā a pelesepeto e tokoi mai loa ki le filifili o otātou a teu?

E tonu ke tou filifili ‘ni teu e mālie, e mata fakaʼapaʼapa mo mata fakapotopoto,’ ti mo sā tuʼumaʼu i otātou agaaga, e tou meʼā ti mo ‘pikipiki ki le Atua.’ (1 Timoteo 2:9, 10) Tou tioʼi a manatu e tou maʼua i vaega anā: (1) E tonu ke ‘mālie’ otātou a teu. Lagi kua ke tokagaʼi faʼi i le kakai a Seova la, e leʼese tatau a neʼa alā e lotou fia fai ki ai, kae ko olātou a teu mo le faʼu o olātou a ʼulu e fakavikiviki ki le Atua leia e lotou atolasio ki ai. (2) Ka tou ‘fakaʼapaʼapa’ i latātou faʼasiga fai teuteu, ti e leʼese tou tui loa ni mutuʼi neʼa e fakatupu ai i le loto o ʼiki ni manatu e veli pe ke tioʼi ai tātou. (3) Ka tou ‘fakapotopoto,’ e leʼaise tou mulimuli loa ki le faʼasiga fai teuteu o le mālama la. (4) E tonu ke sā tuʼumaʼu i lotātou agaaga e tou ‘pipiki ki le Atua,’ ko lona fakaʼuiga e tou tausi ki le Atua māʼoki.—1 Kolinito 10:31.

2. E malave fefeʼaki lotātou agaaga ki otou fetaina mo tuagaʼane?

E tou tasi filifili le neʼa leia e tonu ke tou tui kae e tonu ke tou manatuʼi pe malave fefeʼaki loa ki ʼiki. E tou faiga ke leʼaise tukia ai se tasi ti ke tou fai le neʼa leia e ‘mālie ki lotātou tatau ke fua manuʼia ai kiate ia, ti ke fakalotomakekeʼi ai a ia.’—Lau Loma 15:1, 2.

3. E mafai ke tokoi fefeʼaki latātou faʼasiga fai teuteu ki le kakai ke lotou afa ai a Seova?

E tou tokakaga tuʼumaʼu loa ke tou teu fakaʼapaʼapa kae tāfito mo kāpau e tou kau ki fono pe ko le faifakamafola. E leʼaise tonu loa ke tou faiga ke tokagaʼi ake tātou i latātou faʼasiga fai teuteu i latātou faifakamafola. E tou loto ke malave le māʼoki kia lātou ti ke ‘vikiʼi ai le akonaki a le Atua.’—Tito 2:10.

 MANATU LOLOTO

4. E sā latātou fakaʼapaʼapa kia Seova mo kāpau e mālie otātou a teu

Koleā e ekenaki tāfito tātou ke tou tokaga ki otātou faʼasiga teu? Lau Pesalemo 47:3, ti fai a vesili anei:

• E tonu ke sā fefeʼaki i otātou a teu ko tātou ko se Fakamāʼoki a Seova?

• Ki lau manatu, e maʼuiga ko ia ke tou tokaga ki otātou a teu mokā tou kau ki fono pe ko le faifakamafola? Koleā lona tupuʼaga?

 5. Ko pelesepeto e tokoi mai ki le toʼo o ni tonu e mālie

Tioʼi le GĀ ʼATA.

Tatau ai faʼi pe fia le totogi o otātou mutuʼi neʼa kae ko le maʼuiga la, ke meʼā mo anotasi mo le gaʼoi leia e tou fai. Lau 1 Kolinito 10:24 mo 1 Timoteo 2:9, 10. Ti tioʼi pe koleā leia e tou fia tiʼaki ai a mutuʼi neʼa alā . . .

• e leʼaise mata fakaʼapaʼapa.

• e fakatupu ai i le loto o ʼiki ni manatu e veli, sakinake la e pipiki veli pe māina.

Logo ai e leʼese koi mulimuli a le kau Kilisiteano ki le Lao a Moisese, kae e sā mei ai le manatu a Seova. Lau Tetelonome 22:5, ti fai le vesili leinei:

• Koleā leia e tonu ai ke tou tiʼaki a mutuʼi neʼa pe ko le faʼu o le ʼulu leia e fai e le kakai tagata pe ni fafine pe ko le kakai fafine pe ni tagata?

Lau 1 Kolinito 10:32, 33 mo 1 Soane 2:15, 16, ti fai a vesili anei:

• Koleā leia e tonu ai ke tou tokaga ki latātou faʼasiga fai teuteu ke leʼaise fakatupu tukia ai ki otou vasaʼa fale pe ki otou fetaina mo tuagaʼane?

• Ko faʼasiga fai teuteu fefeʼaki ti mo faʼu o le ʼulu e ke tio ki ai i le potu e ke maʼuli ai?

• Ki lau manatu, e iai ko ia ni faʼasiga teu e leʼaise tusa mo se Kilisiteano? Koleā lona tupuʼaga?

 MANATU TĀFITO

Ka tou tokaga ki latātou faʼasiga fai teuteu, e tou fakakololiaʼi ai a Seova ti mo fakaʼapaʼapa ki ʼiki.

Fakamanatu

• Koleā leia e maʼuiga ai kia Seova a latātou faʼasiga fai teuteu ti mo lotātou agaaga?

• Fakasā ni pelesepeto e tokoi loa ki tonu alā e tou toʼo o uiga mo latātou faʼasiga fai teuteu.

• E malave fefeʼaki latātou faʼasiga fai teuteu ki le manatu a ʼiki o uiga mo le tausi māʼoki?