XIYENGE 4
“Ndzi Tele Sweswo”
(Nkarhi: 54:56)
Yesu a horisa lava vabyaka, a hlongola madimona, a endla vadyondzisiwa ni ku hlawula vaapostola vakwe va 12. Xiyenge lexi xi katsa swiendlakalo leswi landzelaka:
Yesu a dyondzisa esinagogeni ra le Kapernawume; a hlongola moya lowu nga basangiki (Marka 1:21-29; Luka 4:31-37)
Yesu a horisa mana wa nsati wa Petro (Luka 4:38, 39; Matewu 8:14, 15; Marka 1:30, 31)
Yesu a horisa van’wana vo tala (Luka 4:40, 41; Matewu 8:16, 17; Marka 1:32-34)
Yesu a khongela endhawini leyi nga riki na munhu (Marka 1:35-38; Luka 4:42, 43)
Yesu a chumayela, a dyondzisa ni ku horisa (Matewu 4:23-25; Marka 1:39)
Yesu a horisa wanuna loyi a ri ni nhlokonho (Marka 1:40-45; Matewu 8:1-4; Luka 5:12-15)
Yesu a endla nkarhi wo va yexe leswaku a ta khongela (Luka 5:16)
Yesu a rivalela ni ku horisa munhu loyi a omeke swirho eKapernawume (Marka 2:1-12; Matewu 9:1-8; Luka 5:17-26)
Yesu a vitana Matewu leswaku a ta va mulandzeri wakwe (Marka 2:13, 14; Matewu 9:9; Luka 5:27, 28)
Yesu a dya ni valuvisi ekaya ra Matewu (Marka 2:15-17; Matewu 9:10-13; Luka 5:29-32)
Xivutiso mayelana ni ku titsona swakudya (Matewu 9:14-17; Luka 5:33-39; Marka 2:18-22)
Yesu a chumayela esinagogeni ra le Yudiya (Luka 4:44)
Yesu a horisa wanuna loyi a vabya hi Savata endhawini yo hlambela ya Betesda (Yohane 5:1-9)
Vayuda va konanisa wanuna loyi a horisiweke (Yohane 5:10-13)
Yesu a kuma wanuna loyi a horisiweke etempeleni (Yohane 5:14, 15)
Yesu a vulavula hi vulawuri lebyi a nyikiweke byona hi Tata wakwe (Yohane 5:16-24)
Lava nga ha riki na vuxaka ni Xikwembu va ta hanya loko va yingisa marito ya Yesu (Yohane 5:25-27)
Hinkwavo lava nga emasirheni va ta pfuxiwa eku feni (Yohane 5:28-30)
Yohane Mukhuvuri, mitirho leyi Yesu na Tata wakwe va yi endleke ni Matsalwa swi kombisa vumbhoni mayelana na Yesu (Yohane 5:31-47)
Yesu “i Hosi ya Savata” (Marka 2:23-28; Matewu 12:1-8; Luka 6:1-5)
Yesu a horisa wanuna loyi a lamale voko hi Savata (Luka 6:6-11; Matewu 12:9-14; Marka 3:1-6)
Ntshungu lowukulu wu ri eribuweni; Yesu loyi a nga nandza wo rhandzeka wa Xikwembu; vo tala va horisiwa (Marka 3:7-12; Matewu 12:15-21)
Vaapostola va 12 va hlawuriwa (Luka 6:12-16; Marka 3:13-19a)
