Naʉ̃ beɗeaɗebemada bio cawaɗida warra zaqueɗebemada, propetaɗebemada, dji boroɗebemada bio Jeowaɗebemada ĩjã panasiɗada. Jãʉ̃ wẽrã zaque Israelitaɗebemada Siriaɗe ɓasida. Dji wẽrãcau zaqueba cawa ɓasida Jeowaba biabi basida Naamaʉ̃ jãʉ̃ propetaɗeba. Eliseoba cawa ɓasida Jeowaba dji quĩrũrã ẽdrʉ edaida. Sacerdote boro idji trʉ̃ Joiadá abadaba bio wagasida Jeoara dji nana djoda bearãnamãrẽã. Ezequia boroba cawa ɓasida Jeowaba Israel purura ẽdrʉ edaida. Idjira ʉɓʉa ɓasida dji quĩrũrã asiriorã ẽpẽ panasiɗamĩna. Josíaba dji boro Israelɗebema ãcõrẽ sewaida ɓearã jũma jõbisida. Ãcõrẽnera jũma bia osida. Idjaɓa idji purura carebasida wãya Jeowara ĩjãnamãrẽã.