Beɗea quĩmãrẽne leaɗida nẽbʉrʉɗada Jose, Jo, Moise idjaɓa israelerãra. Jũma ãdjirãra droasiɗada ne djuburiarã Diaruɗeba. Ʉ̃cʉrʉrãra ariɗe oɗaẽ́ basida, dewaraba biẽ́ osiɗada, carceɗe ɓʉcuasiɗada, ɓʉsiɗada nezoca quĩrãca, beucuasiɗada. Baribʉrʉ Jeowaba wagasida bio ne quĩrãtanoaneba. Bʉa warrarãda eroɓʉbʉrʉ carebaida cawaɗi carea ĩjãbada bẽrã Jeowaɗebemarã, jãʉ̃ nẽbʉrʉɗaɗeba, aduarãnamãrẽã ãdji ĩjãida djuburia panʉmĩna.

Jeowaba zebisia die ne cadjiruada idjaɓa ne quĩrãtanoa ne ununacaa acʉbi carea idjira bio zarea ɓʉda dewaraʉ̃ Ãcõrẽ Egiptoɗebema cãyãbara. Maʉ̃ bʉrʉ bio acʉbi ɓaida Jeowaba bio waga ɓʉda dji puru naẽnabema quĩrãca, ara maʉ̃ quĩrãca oida iɗi ewariɗera.