Naʉ̃ ne cawabadjiɗa dji boro Daviɗebema idjaɓa dji boro Saulɗebema. Naãrã Saulba idjira quĩcha droma ɓaẽ́ basi, bio ĩjã basida Jeowaa. Cawaẽ́ne, idjia ne quĩrã awara osida ĩjãẽ́ ɓesida Jeowaɗe. Maʉ̃ bʉrʉ Jeowaba igarasida idjira. Jeowaba jarasida Samuelera jʉrʉ edasida Davi boro ɓamãrẽã Israelɗe. Saulba bio unu ama basida Davira, maʉ̃ bʉrʉ bea quĩrĩã basida. Maʉ̃ bʉrʉ Daviba aɓari quĩrãca oẽ́ basida. Jonataʉ̃ra Saul warra basida. Cawa ɓasida Jeowaba jʉrʉ edaɗada Davi, maʉ̃ bʉrʉ bio ĩjã ɓasida idjiɗera. Daviba mãwãnacarea osida ne cadjirua bio zarea ɓʉda, baribʉrʉ idjia bio ĩjãsida Jeowaba jara ɓʉra. Bʉa warrada eroɓʉbʉrʉ, carebadua jãʉ̃ra bio biara ɓʉda quĩcha Ãcõrẽne.