Acʉɗida Jesuɗebemara ne neẽ́a basida idjaɓa dji zezeme trajabadjiɗaa ne obada. Jeowaba jʉrʉ edasida Jesura dji boro ɓai carea bajãne ẽjũãne biɗa. Bʉa warra bara ɓʉbʉrʉ jaradiaida ɓʉda Jeowaba sãwã jʉrʉ edasida dji nana dji zeze bio wagai carea Jesuɗebemara. Jaradua bʉ warra Jeowaba sãwã wagasida Jesura bea quĩrĩã panasiɗaɗe dji boro Herode. Ni aɓaʉba jaraẽ́da Jeowa jaraɗara ãĩ oida. Jaraida bʉ warra Jeowaba jʉrʉ edasida Juaʉ̃ra jarai carea Jesuɗebemada. Jesuba iduɓa bio ĩjãbadjida Jeowaɗebemara idjaɓa idjia quĩcha ɓʉɗera oca basida ãtebʉrʉ Jeowaɗebemadrʉ biara quĩchapeɗa jipa obadjia.