Nabema beɗea dji 3
Dopapa baɗacare ẽberãrãba maãrĩ ĩjã panasiɗada Ãcõrẽ beɗeara. Ejemploda: Abrahaʉ̃ba ĩjãsida. Maʉ̃ bʉrʉ Jeowaba jarasida: “Idjira mʉ̃ dji biada”. Bʉa warrarãda eroɓʉbʉrʉ careba cawabiduaJeowaba bio quĩrĩã ɓʉda aɓa aɓa idjaɓa careba quĩrĩã ɓʉda. Abrahaʉ̃, Lot, Jacobo ĩjãna bẽrã Jeowaa, idjía idisiɗaa carebamãrẽã. Dadjirã biɗa ara jãʉ̃gʉ quĩrãca careba ɓʉda.
EN ESTA SECCIÓN
BEƊEA 7
Babel dera ʉ̃tʉ drasoga
Ẽberãrãba puru, dera ʉ̃tʉ drasoga biɗa o quĩrĩã panasiɗada. Dji de borora aɓeɗa bajãnaa tẽũbi quĩrĩã panasiɗada. ¿Cãrẽã Ãcõrẽba cawaẽ́ne ãdjirãra awara awara beɗeara beɗeabisida?
BEƊEA 8
Abrahaʉ̃ba Sarame Ãcõrẽra ĩjã panasiɗada
¿Cãrẽ cãrẽã Abrahaʉ̃ba Sarame ãdji dera Ur puruɗe amesiɗada ãdji jũẽ ɓaɗamae ipi panenaca basída Canaaʉ̃ puruɗe?
BEƊEA 9
¡Warrada unusiɗada!
¿Sãwã mãwãi basida Jeowaba Abrahaʉ̃ra jaraɗara? ¿Sãʉ̃ warraɗeba? ¿Isaɗeba o Ismaelɗeba?
BEƊEA 10
Quĩrãnebadua Lo quima mãwãnada
Ãcõrẽba ʉ̃tʉ eɗaʉba bá, azupre siɗa zebisida Sodoma, Gomorra puruɗe. ¿Cãrẽ cãrẽã jãʉ̃ purura quinibisida? ¿Cãrẽda cawaɗibara Lo quima?
BEƊEA 11
Wãrãda ĩjã ɓʉ cawaya Ãcõrẽ
Ãcõrẽba Abrahaʉ̃ra jarasia : “Quĩrã djuburiadua. Eya ʉtʉ nũmʉmaa diaɗe wãdua bʉ warra aɓabe ɓʉda”. ¿Abrahaʉ̃ba cãrẽ osi?
BEƊEA 12
Herencia diasiɗada Jacoboa
Isaba Rebecame warrarã mẽguiso umé eropanasiɗada. Dji warra iwina trʉ̃ Esau jarabadjiɗaa. Dji warra tẽãbema Jacobo trʉ̃ jarabadjiɗaa. Esau dji warra iwina basi bẽrã herencia eroɓasia ¿Cãrẽã idji herencia diasida ne coi carea?
BEƊEA 13
Jacoboba Esaúme ibiasiɗada
¿Cãrẽ cãrẽã bajãnebema nezocaba bia jarasida Jacobora? ¿Cãrẽda osida Jacoboba ara oi carea dji beɗea droma dji djabame?
