“Janea lo̱ngo̱ di ye”—Byala bena bato jita ba mabolane̱no̱
Mo̱ o mákane̱ buńa bō̱ ná: “Janea lo̱ngo̱ di ye” e? (Mateo 6:10) Ben byala be nde dongo diwo̱ la muka ma Sango mwena jita beno̱ o bolane̱ ye we̱nge̱ mimbu jita. Ońola nje ba makane̱no̱ nika e? Ońolana Yesu a kwalane̱ bokwedi bao ná ba kane̱ ońola Janea la Loba.
Bokwedi ba Yesu ba si pomane̱ so̱ṅtane̱ nje ye̱se̱ a kwalino̱ jombwea Janea. Na babo̱ ba baise̱ mo̱ ná: “A Sango, o nin ponda nde o mate̱se̱ye̱no̱ pe̱te̱ Israel janea e?” Yen ebe ba ńaki ná Yesu a si langwedi babo̱ ná te̱ite̱i njika ponda Janea la Loba di me̱nde̱no̱ po̱. (Bebolo 1:6, 7) Nika e mapula so̱ nde kwala ná di titi ná di bia nje ye Janea la Loba na njika ponda di me̱nde̱no̱ po̱ e? Tomtom!
Nin Njongo a Betatedi e me̱nde̱ jongwane̱ wa o so̱ malabe̱ ma min myuedi:
Ońola nje di be̱nno̱ ńo̱ng’a Janea la Loba e?
Nja ńe Kiṅ’a Janea la Loba e?
Njika ponda Janea la Loba di me̱nde̱no̱ die̱le̱ wase e?
Nje Janea la Loba di me̱nde̱no̱ bola e?
Ońola nje jangame̱nno̱ po̱so̱ o sue̱le̱ Janea la Loba e?
Janea la Loba le nde nje e?
We pe̠ ná o to̠ndo̠...
ESSENTIAL BIBLE TEACHINGS
Janea la Loba le nde nje e?
O dikalo la Yesu le̱se̱, okwe̱le̱ tobotobo ońola Janea la Loba. Ye etum a ponda, bokwedi bao ba makane̱no̱ ná di Janea di ye.
