Yi nãã bedʼeabʉta parte 6
Israelitarãra idibʉrʉ panasi Jeowaba Drʉa diaya adamae. Ãyira wãpanasi tabernakuloeda Jeowa yiwidʼita. Saserdoterabara jaradiabasi Ley ʉ̃rʉ, waya juezʼrabara zokʼabasi pʉwʉrʉta. Naʉ̃ partede kʼawuadayi sãwũã daya nekʼãrẽ obʉba kʼarebaseabʉta wuabemara ẽbẽrarãta, mawũã ẽ bʉrʉ kʼarebabe ẽãta. Israelitarãra aba abakaʉba nekʼãrẽ oibarabasi Jeowaita akʉza ẽbẽrarãita. Déboraba, Noemíba, Josuéba, Anaba, Jefté kʼauba adewara Samuelba obadadeba, kʼarebasi ẽbẽrarã ãyi audu badarata, maʉ̃ra yiza ʉ̃rʉ jaradiara mara wũãwũãra. Adewara jaradiara ʉ̃kʉrʉ israelitara ẽ badata israelitara are panasita, ãya kʼawuapanasi baera Jeowabara kʼarebabasita israelitarãra, bari jaraita Rahabta, Jaelta, gabaonitarata akʉza Rutʼta.
EN ESTA SECCIÓN
KAPITULO 29
Jeowaba jidasi Josuéta
Jeowabara Josúe bedʼeata jara amaesi, idi ewade naʉ̃ba dayirãsida kʼarebaseabʉ.
KAPITULO 30
Rahabʼba merasi miaordamiarãra
Jericó murora bogozoasi, mamina Rahab dera maʉ̃ muro kʼawabasimina bogozoa ẽ basi.
KAPITULO 31
Josuéta akʉza gabaonitarata
Josuéba widisi Jeowaʼa: «Bisiata piki abira», akʉza Jeowaba panʉsi
KAPITULO 32
Yumakẽrã abaʉba jʉre jʉ̃drʉsi akʉza wẽrãra ũme so zarea panasi
Josué beida tẽã israelitarãra daizeze zeri ẽã yiwidʼi jʉ̃drʉsida. Ãyi mejãcha bedʼea zroma erbasimina Jeowaba kʼarebasi Barac, Débora akʉza Jaeldeba
KAPITULO 33
Rutʼta akʉza Noemiʼta
Wẽrãra ũmepanʉra kimara beisi, maʉ̃ kʼarea jẽda wãsi Israelʼeda. Rutʼra Boaz drʉade trajabʉ, mama Boazbara kʼawuabʉrʉ Rutʼra trajamiata.
KAPITULO 34
Gedeónbara madianitarãra iyi juwa edre baebisi
Madianitaraba israelitara mejãcha zʉbʉria oda tẽã, ãya Jeowa widisida kʼarebata. ¿Sãwũã Gedeón kʼaidu wikabadaraba ãyi juwa edre baebisi gorogorora 135.000 badarata?
KAPITULO 35
Anaba wũãwũãta widibʉ Jeowaʼa
Elcanába edebʉ Anata, Peniná akʉza warratraa, Silóeda Daizezeʼa yiwidʼidamarea tabernakulode. Anaba wũãwũãta widibʉ Jeowaʼa. Poaga aba berabaida tẽã ededa Samuelta tabernakuloeda
KAPITULO 36
Jeftéba bedʼea oya jaradata
¿Kʼãrẽta oita jarasi Jeftébara akʉza kʼãrẽa? ¿Jefté kaubara kʼãrẽta osi kʼawuaside yi zezeba kʼãrẽ bedʼea oita jaradata?
KAPITIULO 37
Jeowara bedʼeabʉ Samuelʼa
Sumo saserdote Elíbara warra ũme erbasi. Maʉ̃rãra saserdoterabasi tabernakulode. Mamina Elí warrarabara ũrĩ ẽ basi Jeowaba Ley diadara. Samuelʼra jipa awuarabasi Hofníʼira akʉza Finehásʼira. Jeowara bedʼeabʉ Samuelʼa.
KAPITULO 38
Jeowaba zareata diasi Sansonʼa
Daizezeba zareata diasi Sansónʼara pilisterabawara yõmarẽã, mamina iya bia jida ẽ basi baera pilisterorabara jidasida.
