Naʉ̃ partedera kʼawuadayi José ʉ̃rʉ, Job ʉ̃rʉ, Moisés ʉ̃rʉ akʉza israelitara ʉ̃rʉ. Diarubara ãyira mejãcha zʉbʉriade berabaribisi. Bari jaradaita, ʉ̃kʉrʉra karselde eda bʉesida, ʉ̃kʉrʉra nezokʼa babisida akʉza ʉ̃kʉrʉta yi mebẽrãta beisi. Mamina Jeowabara nekʼãrẽ bio osi ãyi neida berabari ẽ marẽã. Bʉta wũãwũã barabʉbʉrʉ jaradiara sãwũã ẽbẽrarã Daizeze ode badarãra mejãcha zʉbʉriabasimina, iduaribi ẽ basita ãya ĩjãbʉra Jeowa ʉ̃rʉ.

Jeowaba iyi zarea barabʉ ũdubita 10 bayeda zʉbʉriabisi egipsiorãra. Mawũã ũdubisi iyira mejãcha zareabarabʉta egipsiodebemara daizeze zeri ẽãira. Biʼia jara ũrĩbira Jeowabara sãwũã nããbema ẽbẽrarãra iyi ĩjãpanʉrãra kʼarebasita akʉza idi ewadebida dayirã sãwũã kʼarebaseabʉta.