Yi nãã bedʼeabʉta parte 2
¿Kʼãrẽa Daizezebara kue zromaba jõbisi ẽbẽrarã nããbemarãra? Ẽbẽrarã zedadeba ʉ̃ta jʉ̃drʉsi bedʼea zromata: yõ jʉ̃drʉsi nebiata kayiruaʉ̃me. Ʉ̃kʉrʉ ẽbẽrarãta Adánʼne kĩrãkʼa, Evade kĩrãkʼa akʉza Caínʼne kĩrãkʼa, nekayiruare wãsi. Ẽbẽrarãba nemitiata mejãcha ojʉ̃drʉsida baera, maʉ̃ kʼarea Jeowabara maʉ̃ra ẽbẽra kayiruarãra jõma makenaibarabasi. Naʉ̃ partede kʼawuadayi Jeowabara akʉbʉta dayirãba kʼaiare bʼaita jidabʉta, adewara dayirãba kʼawuadayi Jeowabara iduaribi ẽ baita audre bamarẽã nekayiruata nebiaira.
EN ESTA SECCIÓN
KAPITULO 3
Adán Evaʉ̃mebara Daizeze bedʼeara ũrĩna ẽ basi
Edén drʉa kĩrãwãreãnera basi bakuru aba, ¿maʉ̃ra kʼãrẽa awuara basi wuabemara bakururaira? ¿Kʼãrẽa kosi Evabara maʉ̃ netara?
KAPITULO 4
Mejãcha kĩrʉbasi baera beasi yi mebẽãta
Daizezebara Abelba oprenda diadara ĩjãsi mamina oprenda Caínba diadara bia akʉ ẽ basi. Maʉ̃ kʼarea Caínʼra mejãcha kĩrʉsi akʉza nekayiruata ozesi.
KAPITULO 5
Jãba zroma Noéba odata
Angelera kayirua ʉ̃tʉba zedarãra miakãĩkʉasi wẽrãrabawara akʉza tosida wũãwũãra yi zromarata adewara jipa nebeamiarata.
KAPITULO 6
Jõmaʉ̃ta zesi ẽbẽrarã 8deba
Kue zromara zesi 40 ewaribayeda, diamasi akʉza ewaride. Poaga aba audre basi eda jãba zromane Noéta akʉza yi mebẽrãbawara. Maʉ̃ tẽã Jeowaba jarasi ãĩ wãnamarẽã.
