Malakia 4:1-6
4 Yehova wa tujita kanambe ngwenyi: “Talenu! Tangwa lize liasasaminya ngwe lutengo wa kahia kulineza, muze atu eswe waze akulizata ni eswe waze akulinga yuma yipi makapwa ngwe mwambu. Tangwa liacho mulikaanongesa, kulichi kaahichikila chipwe muji hanji mutango.
2 Alioze hakutwala kuli yenu nwakulemesa jina liami, tangwa lia ululi mulikapanguka hali yenu, mite-mite yalio muyikanuuka, munukatumbwoka ngwe ana-ngombe a maji.”
3 “Ha tangwa lize mungukalinga mulimo wami, yenu munukaliata atu api mumu ayo makapwa ngwe fufuta kwishi lia yiliato yenu,” chocho anambe Yehova wa tujita.
4 “Iwulukenu shimbi ya kavumbi kami Mose ni yiyulo yami yize nahanyine kuli A-Izalele eswe ku Horepe hanga ayononokene.
5 “Talenu, yami mungukanutumina profeta Eliya, shimbu tangwa linene lia Yehova, lize liakukolesa woma kanda lichiheta.
6 Iye makalumuna mbunge ja atata, jikapwe ngwe ja ana, mbunge ja ana jikapwe ngwe ja atato hanga yami nguchine kwiza ngulambe hashi ni kunongesaho.”
